1 Samuel 8:9 - Manobo Western Bukidnon OT

⁹ Uya, pezumazuma kad te ebuyuen dan, piru petizeeni nu zà sikandan ke hengkey is ebeelan te hadì he edumala kandan.”

1 Samuel 8:9 ပူးပေါင်းရင်းမြစ်များ

Jeremias 11:7

Puun pa te timpu te kebpeǥewasa ku te menge kepuun niw ziyà te Ehipto ne taman en guntaan, edsiguduwan ku en sikandan ebpetizeeni he pezumdumahi e zan.

Ezekiel 3:18

Emun egkaǥi a ziyà te sevaha he etew he lalung he ebpatey sikandin, piru wazè nu sikandin petizeeni he engkezi zin is mezaat he vaal zin su wey kenè mebpatey, ne ebpatey haazà is lalung he etew tenged te salè din, ne edsukutan ku sikew tenged te kemetayen din.

Ezekiel 46:18

Is pengulu, kinahanglan he kenè din penguwaa is tanà te menge etew. Emun ebeǥey sikandin te tanà diyà te menge anak din, kinahanglan he kandin dà he tanà is iveǥey zin, su wey kenà mewezai te tanà is menge etew ku.”

1 Samuel 10:25

Segugunà impesavut ni Samuel te menge etew is ketengdanan wey ketenged te hadì. Insurat din heini ziyà te midlulun he velesahan, ne ziyè din itaǥù te valey te Nengazen. Ne impeulì ni Samuel is menge etew.

1 Samuel 12:1

Migkeǥiyan ni Samuel is langun he Israilihanen te, “Midtuman ku is mibuyù niw kedì; mibeǥayan ku sikiyu te hadì he iyan edumala keniyu.

1 Samuel 14:52

Layun dà edtebek is menge Israilihanen wey menge Filistihanen seled te kedhadì ni Saul. Ne emun duen egkeehè din he mevurut wey mezesen he etew edhimuwen din he sundaru.

1 Samuel 2:13

Tenged te wazè dan sunuza is menge sulunuzen mehitenged te egkezawat te menge memumuhat he ebpuun te pemuhat te menge etew. Iyan heini ebeelan dan dutun emun duen menge pemuhat: te kenè pa edheunen haazà is usa he ibpemuhat, ibpehendutun dan is menge suluǥuen dan he ed-uwit te zekelà he tinidur he tetelu is ngipen.

1 Samuel 8:8

Puun pa te kebpeǥewasa ku kandan diyà te Ehipto taman guntaan, ed-iniyuǥan e zan su iyan midsilbiyan dan is duma he menge ed-ezapen. Ne ǥuntaan iyan ded ebeelan dan kenikew.