1 Samuel 8:8 - Manobo Western Bukidnon OT

⁸ Puun pa te kebpeǥewasa ku kandan diyà te Ehipto taman guntaan, ed-iniyuǥan e zan su iyan midsilbiyan dan is duma he menge ed-ezapen. Ne ǥuntaan iyan ded ebeelan dan kenikew.

1 Samuel 8:8 ပူးပေါင်းရင်းမြစ်များ

Salmo 78:8

Ne kenà sikandan egkeiring te menge kepuun dan he menge supekiru, kenà menge metinumanen, kenà melig-en is kedsarig dan te Megbevayà, wey kenè dan mepezumdumahan kandin.

Exodus 16:3

Ke sikandan te, “Deyzey pa ke ziyè key zà himetayi te Nengazen hein diyè key pa te Ehipto. Diyà, ne ebayèbayè key te minsan hengkey he egkekaan dey. Piru ǥuntaan, mid-uwit key kayi keniyu te sibsivayan wey key mengeumes.”

Exodus 17:2

Umbe midtebek dan si Moises ke sikandan te, “Beǥayi key te wahig he egkeinum dey.” Ne midtavak si Moises te, “Maan is edtebeken a keniyu? Maan is egezaman niw is Nengazen?”

Exodus 32:1

Ne hein neseǥipà te menge etew he neuǥet en he wazà meketupang si Moises diyà te kandan, ne mid-amur-amur zan diyà te ki Aaron, ke sikandan te, “Kela ke zuen en mezaat he neulaula zuen te etew he si Moises he nengulu kenitew te kegawas diyà te Ehipto; umbe veeli key te ed-ezapen he ebpekepengulu kenami.”

Jeremias 34:14

‘Kada pitu he tuig kinahanglan he ebeǥayan niw te vayàbayà is duma niw he Hebriyuhanen he imbelegyà diyà te keniyu su wey niw meuripen. Emun ebpekepenilbi en sikandin diyà te keniyu te heenem he tuig, kinahanglan he ebeǥayan niw sikandin te vayàbayà.’ Piru wazà mebpezumazuma kedì is menge kepuun niw mehitenged kayi.

Ezekiel 2:3

Ke sikandin te, “Sikew is etew, edsuǥuen ku sikew ziyà te menge etew te Israel, he iyan kes nasyun he mesinupaken kediey. Is menge kepuun dan midsupak kedì dengan, ne taman en guntaan is kedsupaka zan kediey.

Numero 16:41

Ne sunud he andew, midriklamu en maan is tivuuk he keet-etawan te Israel ziyà te ki Moises wey ki Aaron. Ke sikandan te, “Mibpenhimetayan niw is menge etew te Nengazen.”

Deuteronomio 9:24

Puun te kegkekilelaa ku keniyu ne pudu en kebpekidsukulà te Nengazen is menge vaal niw.

Zatù 13:1

Mibaal en maan is menge Israilihanen te igkepauk te Nengazen, umbe impesakup sikandan te Nengazen te menge Filistihanen seled te 40 he tuig.

Zatù 2:20

Umbe, utew sikandan nepeuki te Nengazen. Migkaǥi is Nengazen te, “Tenged te midrapas kayi te menge etew is midhimu ku ziyà te menge kepuun dan he kebpekid-uyun kandan, wey wazè e zan pezumdumahi,

Zatù 4:1

Hein minatey en si Ehud, mid-uman en maan mebaal is menge Israilihanen te mezaat diyà te etuvangan te Nengazen.

Zatù 6:1

Ne mibaal en maan is menge Israilihanen te mezaat diyà te etuvangan te Nengazen, umbe impesakup sikandan te Nengazen te menge Midianhen seled te pitu he tuig.

1 Samuel 8:7

Midtavak is Nengazen te pengemuyù din, ke sikandin te, “Tumana nu is egkeǥiyen dan kenikew; su kenè ka iyan mid-iniyuǥan dan, kekenà, siak.

1 Samuel 8:9

Uya, pezumazuma kad te ebuyuen dan, piru petizeeni nu zà sikandan ke hengkey is ebeelan te hadì he edumala kandan.”