1 Samuel 8:7 - Manobo Western Bukidnon OT

⁷ Midtavak is Nengazen te pengemuyù din, ke sikandin te, “Tumana nu is egkeǥiyen dan kenikew; su kenè ka iyan mid-iniyuǥan dan, kekenà, siak.

1 Samuel 8:7 ပူးပေါင်းရင်းမြစ်များ

Exodus 16:8

Ne migkaǥi pa si Moises te, “Ebeǥayan kew te Nengazen te usa he egkekaan niw emun mezukilem wey emun meselem egkeveyangan kew te supas su nezineg din is kebegulbul niw ziyà te kandin. Ne egkesavut niw human he kenè key iyan mibegulbulan niw, kekenà, iyan is Nengazen. Hentei key ves is ebegulbulan niw?”

Isaias 66:4

Ne gawas keniyan, ebpeeǥiyan ku zaan sikandan te silut he igkeherati zan. Su hein nengumew a, wazà sikandan medtavak; ne hein migkaǥi a, wazà sikandan mebpemineg. Mibaal sikandan te kelelalung diyà te etuvangan ku, ne ke hengkey is kenè ku egkesuatan iyan ebeelan dan.”

Jeremias 34:14

‘Kada pitu he tuig kinahanglan he ebeǥayan niw te vayàbayà is duma niw he Hebriyuhanen he imbelegyà diyà te keniyu su wey niw meuripen. Emun ebpekepenilbi en sikandin diyà te keniyu te heenem he tuig, kinahanglan he ebeǥayan niw sikandin te vayàbayà.’ Piru wazà mebpezumazuma kedì is menge kepuun niw mehitenged kayi.

Ezekiel 2:3

Ke sikandin te, “Sikew is etew, edsuǥuen ku sikew ziyà te menge etew te Israel, he iyan kes nasyun he mesinupaken kediey. Is menge kepuun dan midsupak kedì dengan, ne taman en guntaan is kedsupaka zan kediey.

Ezekiel 3:7

Piru is menge etew te Israel, kenè dan ebpemineg kenikew, su kenè dan egkesuat he ebpemineg kedì. Pudu sikandan midtaman he mesinupaken wey kenà ebpezumazuma.

Numero 22:20

Dutun he kezukileman migkaǥi is Megbevayà diyà te ki Balaam te, “Geina te midhengkayi en man heini is menge etew su edumahan ke zan, duma ke en nasì kandan, piru iyan nu zà beeli is egkeǥiyen ku.”

Zatù 8:23

Ne midtavak si Gideon te, “Siak wey is menge anak ku ne kenè key iyan ebpengulu keniyu, kekenà, iyan is Nengazen.

1 Samuel 10:19

Iyan a Megbevayè niw he midluwas keniyu te langun he ebpekekaid wey kegkerasey, piru ǥuntaan ed-iniyuǥan a keniyu. Su mibuyù kew te hadì he ebpengulu keniyu. Umbe ǥuntaan tiǥum kew kayi te edtuvangan ku he ebpesibsivayà is kada tribu wey kada sengeepuan.”

1 Samuel 12:1

Migkeǥiyan ni Samuel is langun he Israilihanen te, “Midtuman ku is mibuyù niw kedì; mibeǥayan ku sikiyu te hadì he iyan edumala keniyu.

1 Samuel 12:12

Piru hein edsurungen kew ni Nahash he hadì te menge Amunihanen, mibuyù kew kedì te hadì he edumala keniyu, minsan pa te zuen en Nengazen he iyan Megbevayà, he iyan hadì niw.

1 Samuel 8:22

Ne midtavak is Nengazen kandin te, “Pezumdumahi nu is egkesuatan dan; beǥayi sikandan te hadì.” Ne migkeǥiyan ni Samuel is menge Israilihanen te, “Uya, iyan egketuman is egkesuatan niw; ulì kew en diyan te inged niw.”

1 Samuel 8:8

Puun pa te kebpeǥewasa ku kandan diyà te Ehipto taman guntaan, ed-iniyuǥan e zan su iyan midsilbiyan dan is duma he menge ed-ezapen. Ne ǥuntaan iyan ded ebeelan dan kenikew.