1 Samuel 8:6 - Manobo Western Bukidnon OT

⁶ Dutun midmezaat is gehinawa ni Samuel te ebuyuen dan, ne zutun nengemuyù sikandin diyà te Nengazen.

1 Samuel 8:6 ပူးပေါင်းရင်းမြစ်များ

Salmo 109:4

Minsan ebpekid-emiǥu a kandan, ne edtebeken e zan; piru in-ampù ku ǥihapun sikandan.

Exodus 32:21

Ne migkaǥi sikandin diyà te ki Aaron te, “Hengkey is mibeelan kayi te menge etew ziyà te kenikew? Su maan is midtuǥutan nu sikandan te kebaal te zekelà he salà?”

Exodus 32:32

Ne edhengyuan ku sikew he peseyluwa nu sikandan dutun te salè dan; ne emun kenè nu en sikandan ebpeseyluwen, ne penasa nu en daan is kedì he ngazan duen te libru he zutun nu ilista is menge ngazan te menge etew nu.”

Hoseas 13:10

Mibuyù kew te hadì wey menge upisyal su midsarig kew he iyan sikandan ebpeketavang keniyu. Umbe tenged te kegkepauk ku ne imbeǥey ku sikandan diyà te keniyu, ne tenged te kegkeepes ku in-awè ku sikandan diyà te keniyu. Na, hendei en be is hadì niw wey is menge pengulu ziyà te kada inged he edlibri keniyu?

Numero 16:15

Ne utew nepauk si Moises ne ke sikandin diyà te Nengazen te, “Kenè nu zewata is menge pemuhat dan. Wazà a mekesalà diyà te minsan hentei kandan; wazà minsan sevaha he asnu he migkuwa ku ziyà te kandan.”

Numero 16:22

Piru midluhud si Moises wey si Aaron he ke sikandan te, “He Megbevayà he ebpuunan te untung te langun he menge etew, edelehiǥen nu ve te pauk nu is langun he etew kayi te sevaha zè man is nekesalà?”

Numero 16:46

Ne migkeǥiyan ni Moises si Aaron te, “Kuwaa nu is teleǥuey nu te veyewà ne teǥui nu te veyewà wey vaǥa he ebpuun diyà te pemuhatà. Ne gaanggaan ka hendiyà te menge etew ne veeli nu is tulumanen su wey zan mevelukasi te menge salè dan, su nepauk en is Nengazen ne ebpuun en is limas.”

1 Samuel 10:19

Iyan a Megbevayè niw he midluwas keniyu te langun he ebpekekaid wey kegkerasey, piru ǥuntaan ed-iniyuǥan a keniyu. Su mibuyù kew te hadì he ebpengulu keniyu. Umbe ǥuntaan tiǥum kew kayi te edtuvangan ku he ebpesibsivayà is kada tribu wey kada sengeepuan.”

1 Samuel 12:12

Piru hein edsurungen kew ni Nahash he hadì te menge Amunihanen, mibuyù kew kedì te hadì he edumala keniyu, minsan pa te zuen en Nengazen he iyan Megbevayà, he iyan hadì niw.

1 Samuel 12:17

Kenè be gulavung man heini he timpu is tiraǥun te trigu? Piru edhengyuen ku is Nengazen he iperuǥung din wey ipeuzan din. Ne zutun egkeisip-isip niw he mezaat bes diyà te etuvangan te Nengazen haazà is kebuyù niw te hadì.”

1 Samuel 12:19

Migkeǥiyan dan si Samuel te, “Edhangyù key kenikew he, pengemuyù ka ziyà te Nengazen he Megbevayè nu he kenè key pezem mebpematey, su neumanan dà is menge salè dey te kebuyù dey te hadì.”

1 Samuel 12:23

“Emun mehitenged kediey, layun ku sikiyu ibpengemuyù diyà te Nengazen, su emun kenè ku heini ebeelan ne ebpekesalà a ziyà te Nengazen. Ne ebpenuruen ku sikiyu te kebpengungubpaan he meupiya wey hustu.

1 Samuel 15:11

“Mibesulan ku is kedhimuwa ku ki Saul he hadì, tenged te mid-iniyuǥan e zin ne wazè din daan tumana is suǥù ku.” Hein nezineg haazà ni Samuel, utew sikandin nepauk, umbe midhangyù sikandin diyà te Nengazen te tivuuk he kezukileman.

1 Samuel 7:5

Mid-uman megkaǥi si Samuel ziyà te menge Israilihanen te, “Medtiǥum kew is langun diyà te Mizpa, su ibpengemuyù ku sikiyu ziyà te Nengazen.”