1 Samuel 8:1 - Manobo Western Bukidnon OT

¹ Hein meǥurang en si Samuel, mibpilì din is menge anak din he egkehimu he pengulu te Israel.

1 Samuel 8:1 ပူးပေါင်းရင်းမြစ်များ

Nehemias 7:2

Imbeǥey ku is ketengdanan te kedumala te Jerusalem diyà te suled ku he si Hanani, ne iyan duma zin si Hanania he peremandar te menge vantey te melig-en he kutà. Mibpilì ku si Hanania su egkeseriǥan sikandin wey zekelà is kedtahud din te Megbevayà lavew te kezekelan.

Zatù 10:4

Duen din 30 he menge anak, is kada sevaha kandan duen din asnu he ed-untuzan. Heini sikandan iyan midumala te 30 he inged diyà te Gilead he egngezanan guntaan te menge inged ni Jair.

Zatù 12:14

Duen din 40 he anak he menge maama wey zuen din 30 he apù he menge maama, ne is kada sevaha kandan duen din untuzà he asnu. Mibpenguluwan din is Israel seled te walu he tuig.

Zatù 5:10

Sikiyu is menge sepian he ebpemen-untud te meputì he menge asnu he ziyà ebpeminuu te mekempet he pinuuwà kayi, wey sikiyu zaan is menge pubri he ebpemenhipanew zà, pemineg kew!

1 Samuel 12:2

Guntaan duen niw en hadì he ebpengulu keniyu. Siak, nehimu a he pengulu niw puun pa te betan-en e pa taman guntaan piru meǥurang ad su uvanen e en, ne guntaan, duma niw en daan is menge anak ku he maama.