1 Samuel 7:17 - Manobo Western Bukidnon OT

¹⁷ Ne ebpekepasad ne ed-ulì maan sikandin diyà te Rama, su pengulu zaan sikandin te menge etew zutun. Ne mibaal sikandin dutun te pemuhatà para te Nengazen.

1 Samuel 7:17 ပူးပေါင်းရင်းမြစ်များ

Genesis 33:20

Ne zutun mibaal si Jacob te pemuhatà he migngezanan din te El Elohe Israel, he ke và dà egkaǥiya, “Utew mekeǥeǥehem is Megbevayà he ed-ezapen ni Israel.”

Genesis 35:7

Ne mibeelan din dutun is pemuhatà. Iyan inngazan din dutun he lugar is El Betel, he ke và dà egkeǥiya, “Megbevayà te Betel,” su hein mibpeleǥuyan din is kakey zin he si Esau, dutun mebpaahà kandin is Megbevayà.

Isaias 10:29

Mibayè dan diyà te leyunà, ne ziyè dan mebpemenlipezeng te Geba. Nengahandek is menge tig-Rama, ne nemelaǥuy is menge meǥinged te Gibea he iyan inged ni Hadì Saul.

Zatù 4:5

Emun ebpehusey is menge Israilihanen te samuk dan diyà te ki Debora, edhendiyè dan te sihung te Palma ni Debora, ziyà te pid-elangan te Rama wey Betel he ziyà te vuvungan te Efraim.

Zatù 6:24

Ne mibaal zutun si Gideon te pemuhatà para te Nengazen ne migngezanan din haazà te, “Ebeǥey te Kelinew is Nengazen.” Ne taman en guntaan kemulu heini he pemuhatà diyà te Ofra, diyà te tanà te menge kevuwazan ni Abiezer.

1 Samuel 1:1

Duen sevaha he etew he kevuwazan ni Zuf he egngezanan ki Elkana. Heini sikandin ne ziyà med-ubpà te Rama diyà te vuvungan te Efraim. Anak sikandin ni Jeroham he anak ni Elihu. Ne si Elihu anak sikandin ni Tuhu he anak ni Zuf, he ebpuun te tribu ni Efraim.

1 Samuel 1:19

Meselem utew zutun te sunud he andew, mid-enew si Elkana wey is tivuuk he pemilya zin ne mid-azap dan is Nengazen. Ne human dan med-ulì diyà te ubpaan dan he Rama. Ne midhulizan ni Elkana si Hana ne midtavak te Nengazen is menge pengemuyù ni Hana he ebeǥayan sikandin te anak.

1 Samuel 11:15

Umbe midhendiyè dan langun te Gilgal ne impekilala zan diyà te etuvangan te Nengazen he si Saul nehimu en he hadì. Ne nemuhat sikandan dutun te pemuhat he para te meupiya he kedepità, wey midlipeylipey zan langun.

1 Samuel 14:35

Ne zutun mibaal si Saul te pemuhatà para te Nengazen. Iyan haazà nehuna he pemuhatà he mibeelan din.

1 Samuel 15:34

Ne midlikù si Samuel ziyà te Rama, ne si Saul ne mid-ulì daan diyà te Gibea.

1 Samuel 2:11

Ne mid-ulì si Elkana wey si Hana ziyà te Rama. Piru intaǥak dan dà si Samuel wey mekepenilbi en te Nengazen he iyan egalen din wey ed-elima kandin si Eli he memumuhat.

1 Samuel 28:3

Dutun he penahun daan en he minatey si Samuel. Hein kebpatey zin ne utew nenlalew is menge Israilihanen kandin, ne ziyè dan ileveng sikandin te inged din he Rama. Ne midsegseg ni Saul puun te Israel is menge veyilan he ebpekidlalag te gimukud te nemematey en.

1 Samuel 8:4

Umbe, midtiǥum is langun he pengulu te Israel, ne midhendiyè dan te ki Samuel ziyà te Rama.

1 Samuel 9:12

Midtavak dan te, “Uya, kayi sikandin. Nehuna zà sikandin keniyu. Su veǥu pa utew sikandin mekeuma ziyà te inged dey para te kebpengulu te menge etew te kebpemuhat diyà te simbahan diyà te metikang he lugar. Pekeǥaan kew!