1 Samuel 7:12 - Manobo Western Bukidnon OT

¹² Ne migkuwa si Samuel te vatu ne insavuk din diyà te pid-elangan te Mizpa wey Shen. Migngezanan din heini te Ebenezer su ke sikandin te, “Taman en guntaan is kedtevangi kenitew te Nengazen.”

1 Samuel 7:12 ပူးပေါင်းရင်းမြစ်များ

Genesis 22:14

Migngezanan ni Abraham haazà te, “Iyan Ebeǥey is Nengazen.” Ne zuen pa erubasa ǥuntaan he edhenduen te, “Diyà te Buvungan te Nengazen egkeveǥayan kiw te tavang.”

Salmo 71:17

He Megbevayà, puun te vatè e pa, mibpenurù ad kenikew mehitenged te egkein-inuwan he menge vaal nu, ne taman en guntaan is kebpenudtula ku kayi.

Salmo 71:6

Puun pa te ked-enaka kedì, edsarig e en diyà te kenikew ne edlevanan a kenikew. Ne edeliǥen ku sikew te wazà pidtemanan.

Exodus 17:15

Ne mibaal si Moises te pemuhatà he migngezanan din te, “Iyan Bendirè ku te Kezeeǥan is Nengazen.”

Isaias 19:19

Dutun he timpu ebengunen is pemuhatà para te Nengazen diyà te teliwazà te tanà he Ehipto, ne ibpelastar zaan is tedeman he vatu ziyà te dulunà kayi.

Josue 4:9

Ne midsavuk daan si Josue te 12 he vatu ziyà te teliwazà duen te wahig, duen mismu te midhitindeǥan te menge memumuhat he ebinting duen te Kavan te Kebpekid-uyun. Ne taman en guntaan kemulu pa zutun haazà is menge vatu.

1 Samuel 14:35

Ne zutun mibaal si Saul te pemuhatà para te Nengazen. Iyan haazà nehuna he pemuhatà he mibeelan din.

1 Samuel 4:1

Ne is menge lalag ni Samuel nezineg diyà te tivuuk he Israel. Dutun he timpu nekidtebek is menge Israilihanen te menge Filistihanen. Diyà te Ebenezer megkampu is menge Israilihanen, ne is menge Filistihanen, ne ziyè dan daan megkampu te Afek.

1 Samuel 5:1

Hein naaǥew en te menge Filistihanen kes Kavan te Kebpekid-uyun te Megbevayà, mid-uwit dan puun te Ebenezer pehendiyà te Ashdod.

1 Samuel 7:11

Ne mibpenlayas sikandan te Israilihanen ne mibpenhimetayan dan puun pa te Mizpa taman te alug te Bet Car.