1 Samuel 6:9 - Manobo Western Bukidnon OT

⁹ piru ahaa niw zà. Emun edtekezeg he ebpehendiyà te Bet Shemesh, he sakup te tanà te menge Israilihanen, egketuenan tew he iyan is Nengazen teǥivaal te neulaula kayi te kenitew he utew mereǥen. Ne emun kenà, ne egketuenan tew he kenè bes heini vaal te Nengazen, kekenà, nehitavù dè bes.”

1 Samuel 6:9 ပူးပေါင်းရင်းမြစ်များ

2 Samuel 1:6

Midtavak haazà is menguhed pa he etew te, “Hein diyè e pa te Buntud he Gilboa, ne neehè ku si Saul zutun is nesendiǥan din dà is bangkew zin. Ne is menge kuntada zin ne mid-uvey en diyà te kandin is ed-untud te menge kerwahi wey menge kudà.

1 Hadì 4:9

Si Ben Deker, is gubirnedur te Makaz, Shaalbim, Bet Shemesh, wey te Elon Bet Hanan.

2 Cronica 25:21

Umbe, midsurung sikandin ni Hadì Jehoash wey te menge sundaru zin. Diyè dan medtebek te Bet Shemesh he sakup te Juda.

Exodus 8:15

Iyan, hein naahà duen te hadì he naawè en sikan is menge vakbak, ne impemezesen din en maan is gehinawa zin, ne wazà sikandin mebpemineg ki Moises wey ki Aaron, sumalà te nekaǥi te Nengazen.

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Isaias 26:11

Nengazen, andam ke en he edsilut kandan, iyan, wazè dan metueni heini. Petueni nu kandan Nengazen! El-eleza nu sikandan pinaaǥi te kebpaahaa nu kandan te kebmahala nu te menge etew nu. Binsuli nu sikandan te hapuy is menge kuntada nu.

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?

Josue 15:10

ne mid-uman mebulegkù diyà dapit te edsenlepan te Baala pehendiyà te Buntud he Seir. Ne midlaus heini ziyà te egkezizayà he kelendiǥan te Buntud he Jearim he iyan is Kesalon, pehendiyà te Bet Shemesh wey midlaus diyà te Timnah.

Josue 21:16

Ain, Juta, wey Bet Shemesh, ragkes is menge penebtavà kayi. Ne 9 he menge inged is nesakup te tanà te tribu ni Simeon wey ni Juda.

1 Samuel 6:10

Ne midtuman dan haazà. Migkuwa sikandan te zezuwa he inayan he vaka ne midsengenan dan te kerumata. Ne is menge nati, ne midureng dan diyà te tudil.

1 Samuel 6:12

Ne impeǥenat dan haazà is menge vaka ne midtandang haazà diyà te Bet Shemesh ne wazà medsuwey te zalan, is ebpemen-engà. Ne midsunud kes menge pengulu te menge Filistihanen taman te dulunà te Bet Shemesh.

1 Samuel 6:3

Midtavak sikandan te, “Emun id-ulì niw heini is Kavan te Kebpekid-uyun te Megbevayà te Israel, ne kinahanglan he ed-uwit kew te pemuhat he vayad te salà. Iyan heini paaǥi he egkengeulian kew wey egkesavut niw ke maan is edsilutan kew zin.”