1 Samuel 6:7 - Manobo Western Bukidnon OT

⁷ Ne guntaan, baal kew te veǥu he kerumata wey kuwa kew te zezuwa he vehiyan he vaka he wazè pa keenu mesengeni te eyuǥu. Ne sengeni niw te kerumata, piru kenè niw en ipezuma kes menge nati zan, kekenà, durengè niw heini ziyà te tudil.

1 Samuel 6:7 ပူးပေါင်းရင်းမြစ်များ

2 Samuel 6:3

Heini he Kavan te Kebpekid-uyun te Megbevayà ne ziyà te valey ni Abinadab he ziyà te vuntud. Migkuwa heini eni David, ne in-untud dan te veǥu he kerwahi. Si Uza wey si Ahio is menge anak ni Abinadab ne iyan migiya zutun te kerwahi; si Ahio ne iyan edhuna.

1 Cronica 13:7

Migkuwa zan haazà is Kavan te Kebpekid-uyun te Megbevayà diyà te valey ni Abinadab ne in-untud dan te veǥu he kerumata. Si Uza wey si Ahio is migiya zutun te kerumata.

Numero 19:2

“Heini pa is sulunuzen he egkesuatan ku he tumana niw: Keǥiyi niw is menge Israilihanen he uwiti kew zan te sevaha he behiyan he vaka he meriǥà he wazè din sazir he wazè pa keenu meǥamit te ked-eradu.

Deuteronomio 21:3

Ne zutun haazà is ebpemendumala te inged he kineuvayan te nesevukan dutun te nepatey, megkuwa sikandan te vehiyan he vaka he wazè pa iketerebahu.

Deuteronomio 21:4

Ne uwita zan haazà diyà te tanà he uvey te zal-ug he wazè pa keenu meeradu wey wazè pa mepemulai is tanà he avey zin. Ne bunggua zan dutun haazà is baka.