1 Samuel 6:16 - Manobo Western Bukidnon OT

¹⁶ Naahà te lelima he pengulu te menge Filistihanen haazà is mibeelan, ne nemen-ulì dan human diyà te Ekron te haazà he andew.

1 Samuel 6:16 ပူးပေါင်းရင်းမြစ်များ

Josue 13:3

he sakup te menge Canaanhen. Heini puun te wahig he Shihor ziyà te zapit te edsilaan he vahin te Ehipto taman te zulunà te Ekron diyà te zizaya, ragkes en is lelima he menge inged te menge Filistihanen he: Gaza, Ashdod, Ashkelon, Gat, wey Ekron. Elin is tanà te menge Aybihanen

Zatù 16:5

Ne zutun, midhendiyà te ki Delila is menge pengulu te menge Filistihanen ne migkeǥiyan dan sikandin te, “Hengyui nu sikandin he keǥiya zin kenikew is hinungdan ke maan is utew sikandin mezesen wey ke ebmenmenuwen is kedaaǥa kandin, su wey zey sikandin mevakus su wey zey mevihag. Emun egkeveelan nu en heeyan, is kada sevaha kenami ebeǥey ziyà te kenikew te 1,100 he vuuk he pelata.”

Zatù 3:3

Iyan heini menge etew he midsamà te Nengazen: is menge meǥinged diyà te lelima he inged te menge Filistihanen, is langun he Canaanhen, menge Sidunhanen, wey menge Hivihanen he menge meǥinged diyà te menge vuvungan he Lebanon, he puun te Buntud he Baal Hermon taman te Lebo Hamat.

1 Samuel 5:10

Ne zutun diyè dan en maan ihated te Ekron kes Kavan te Kebpekid-uyun te Megbevayà. Ne hein edseled dan en diyà te Ekron, wazà mesuat is menge etew zutun, su ke sikandan te, “Kayi zan uwita heini is Kavan te Kebpekid-uyun te Megbevayà te Israel para mengeǥerè kiw.”

1 Samuel 6:12

Ne impeǥenat dan haazà is menge vaka ne midtandang haazà diyà te Bet Shemesh ne wazà medsuwey te zalan, is ebpemen-engà. Ne midsunud kes menge pengulu te menge Filistihanen taman te dulunà te Bet Shemesh.

1 Samuel 6:4

Ne mid-insà kes menge Filistihanen, “Hengkey he pemuhat is ibpeuwit dey he ibayad te salè dey kandin?” Midtavak kes menge memumuhat wey menge veyilan te, “Diyun kew te lelima he vulawan he purma te levag wey lelima he vulawan he purma te rumat, su lelima is kezakel te menge pengulu tew, ne levag is kezeetan he neeǥiyan tew wey te menge pengulu tew, wey zuen daan menge rumat he mid-uwit te kezeetan kayi te nasyun tew. Ihalad niw heini su wey meveǥayi te zengeg is Megbevayà te Israel, su kela ke ed-engkezan kiw zin en te edsilut, wey is menge ed-ezapen tew, wey is nasyun tew.