1 Samuel 6:13 - Manobo Western Bukidnon OT

¹³ Ne zutun he penahun, ebpemenraǥun is tig-Bet Shemesh te trigu ziyà te menge suǥud. Ne hein neehè dan kes Kavan te Kebpekid-uyun, nengesuatsuat dan utew.

1 Samuel 6:13 ပူးပေါင်းရင်းမြစ်များ

Josue 15:10

ne mid-uman mebulegkù diyà dapit te edsenlepan te Baala pehendiyà te Buntud he Seir. Ne midlaus heini ziyà te egkezizayà he kelendiǥan te Buntud he Jearim he iyan is Kesalon, pehendiyà te Bet Shemesh wey midlaus diyà te Timnah.

1 Samuel 6:12

Ne impeǥenat dan haazà is menge vaka ne midtandang haazà diyà te Bet Shemesh ne wazà medsuwey te zalan, is ebpemen-engà. Ne midsunud kes menge pengulu te menge Filistihanen taman te dulunà te Bet Shemesh.

1 Samuel 6:14

Hein nekeume en kes kerumata zutun te vevesukà ni Josue he tig-Bet Shemesh, ne ziyà heini medtaman te kilid he zuen duen dekelà he vatu. Migkuwa te menge kevuwazan ni Levi kes Kavan te Nengazen wey kes kavan he mid-ehukan duen te vulawan he migkurtiyan, ne in-untud dan dutun te zekelà he vatu. Ne migurey zan kes kerumata ne midhimetayan dan kes menge vaka su pemuhat he edtutungen para te Nengazen, wey zuen pa zuma he impemuhat dan.