1 Samuel 5:8 - Manobo Western Bukidnon OT

⁸ Umbe, impetawag dan is langun he menge pengulu te Filistihanen. Ne mid-insaan sikandan te, “Ebmenmenuwen tew heini is Kavan te Kebpekid-uyun te Megbevayà te Israel?” Midtavak sikandan te, “Ed-uwiten heini ziyà te Gat.” Ne zutun mid-uwit dan pehendiyà te Gat kes Kavan te Kebpekid-uyun te Megbevayà te Israel.

1 Samuel 5:8 ပူးပေါင်းရင်းမြစ်များ

1 Cronica 7:21

Zabad, wey si Shutela. Is menge anak ni Efraim he si Ezer wey si Elead, midhimetayan sikandan te menge meǥinged diyà te Gat, su ebpenakew zan te menge uyaǥen.

Amos 6:2

Egkeǥiyan niw is menge sakup niw te, “Ahaa niw is inged he Calne, wey is dekelà he inged he Hamat, wey is inged he Gat he sakup te Filistia. Hengkey, edhuna ve sikandan he mekeǥeǥehem te ginhedian te Juda wey Israel? Kenà. Edhuna ve he meluag is tanè dan te kenitew? Kenà daan.”

Zacarias 12:3

Dutun he andew edhimuwen ku is Jerusalem he iring te meveǥat he vatu. Ne is minsan hengkey he nasyun he ebitbit kayi ne egkesazir. Is langun he menge nasyun kayi te kelibutan edsevaha te kedsurung diyà te Jerusalem.

Josue 13:3

he sakup te menge Canaanhen. Heini puun te wahig he Shihor ziyà te zapit te edsilaan he vahin te Ehipto taman te zulunà te Ekron diyà te zizaya, ragkes en is lelima he menge inged te menge Filistihanen he: Gaza, Ashdod, Ashkelon, Gat, wey Ekron. Elin is tanà te menge Aybihanen

Josue 15:11

Midlaus heini ziyà te egkezizaya he kelendiǥan te Ekron ne mibulegkù pehendiyà te Shikeron, he ebpekevayà te Buntud he Baala taman te Jabneel. Ne midsangkù heini ziyà te Zaǥat he Mediteraneo,

1 Samuel 17:4

Duen sevaha he etew he tig-Gat he metau he ebpekidtebek. Iyan ngazan din si Goliat. Migawas dutun te kampu te menge Filistihanen ne mid-uvayan din is kampu te menge Israilihanen. Subra he siyam he ǥiek is kelangkew zin.

1 Samuel 17:52

Ne mid-uvayan te menge sundaru te Israel wey Juda he ebpemengulahì, ne midal-as dan is menge Filistihanen taman te Gat wey Ekron. Nekepeyapat is menge minatey wey menge tegepalì te menge Filistihanen diyà te zalan puun te Shaaraim taman te Gat wey Ekron.

1 Samuel 29:6

Umbe, impehendiyà ni Akish si David te kandin ne migkeǥiyan din te, “Tutuu is egkeǥiyen ku kenikew ǥuntaan kayi te etuvangan te uuyag he Nengazen he egkeseriǥan ka iyan, ne egkesuatan ku pezem he meduma ka kedì te ebpekidtebek, su puun te keduzuma nu kedì taman guntaan wazè ku naahà he mezaat he vaal nu. Piru is duma he menge egalen ne kenè dan ebpekesarig kenikew.

1 Samuel 5:11

Ne impetawag dan is langun he menge pengulu te menge Filistihanen ne migkeǥiyan dan te, “Ilikù niw heini is Kavan te Kebpekid-uyun te Megbevayà te Israel ziyà te kandin he lugar, su emun kenè niw idlikù ne egkengeǥerè key is meǥinged kayi.” Iyan heini hangyù dan tenged te utew zan neherati su mibpuun en medsilut is Megbevayà kandan su mezakel en is nemematey kandan.

1 Samuel 5:7

Dutun te neehè dan is nengehitavù dutun te inged dan, migkaǥi zan te, “Kenà meupiya he kayi tew zà heini idtaǥù te kenitew is Kavan te Kebpekid-uyun te Megbevayà te Israel, su iyan heini hinungdan he edsilutan kiw wey si Dagon he ed-ezapen tew.”

1 Samuel 6:2

impetawag te menge Filistihanen is menge memumuhat dan wey menge veyilan ne mid-insaan dan te, “Hengkey is ebeelan dey kayi te Kavan te Nengazen? Sembaǥi key ke ebmenmenuwen dey heini he ikeulì dey ziyà te lugar he nesevukan din.”