1 Samuel 5:12 - Manobo Western Bukidnon OT

¹² Ne sikan is nengesamà he wazà mebpatey ne mibpenlevaǥan, ne nekeuma ziyà te langit is kebpekitavang dan.

1 Samuel 5:12 ပူးပေါင်းရင်းမြစ်များ

1 Hadì 19:17

Ebpenhimetayan ni Hazael is ebpemen-azap ki Baal. Is ebpekepelaǥuy kandin, ne ebpenhimetayan ni Jehu, ne is ebpekepelaǥuy ki Jehu, ne si Elisha is ebpenhimatey kandan.

Exodus 12:30

Ne zutun he kezukileman mid-enew is hadì wey is langun he menge upisyal zin wey is langun he menge Ehiptohanen. Ne zutun nezineg dan is utew mezaǥing he sineǥawan diyà te Ehipto, su kada valey zan ne zuen duen mibpatey.

Jeremias 14:2

“Egkeseeng utew is Juda; is menge inged kayi ebpengguyaan. Ebpemekepimpinuu is menge meǥinged kayi he tanà is egkengeseeng, ne egkezineg is ebpemenineǥew ziyà te Jerusalem.

Jeremias 25:34

Sikiyu is menge pengulu, purung kew sineǥew he edtelulid diyà te eliyavuk tuus te utew niw kegkeseeng. Su neume en is timpu he edhimetayan kew he iring te edlepaan he kerehidu. Egkeruntek kew iring te mahalen he ziniyun he nerupet.

Jeremias 48:3

Pemineǥa niw is kulehian diyà te Horonaim tenged te zekelà he tebek wey kezeetan.

Amos 5:19

Egkeiring kew te etew he egkeisip din he nelibri en sikandin su nepeleǥuyan din en is erimaung, piru bir ves is egkesinuǥung din. Etawa egkeisip din he wazè en ebpekekaid kandin su ziyè en sikandin te seled te valey zin, piru ked-ulembè din diyà te elavat ne migkaǥat is belad din te uled.

1 Samuel 6:1

Hein midlavey en is pitu he vulan te ked-uwita ziyà te Filistia zuen te Kavan te Nengazen,

1 Samuel 9:16

“Keeselem te iring ded kayi he uras, duen sevaha he etew he ibpehendiyan ku he ebpuun te lugar he Benjamin. Lenahi is ulu zin he iyan tuus he iyan sikandin nepilì he pengulu te menge etew ku he Israilihanen. Iyan sikandin edlibri te menge etew ku he nengesakup te menge Filistihanen, su neehè ku is kebpekeantus dan utew, wey nezineg ku is kebuyù dan te tavang.”