1 Samuel 5:10 - Manobo Western Bukidnon OT

¹⁰ Ne zutun diyè dan en maan ihated te Ekron kes Kavan te Kebpekid-uyun te Megbevayà. Ne hein edseled dan en diyà te Ekron, wazà mesuat is menge etew zutun, su ke sikandan te, “Kayi zan uwita heini is Kavan te Kebpekid-uyun te Megbevayà te Israel para mengeǥerè kiw.”

1 Samuel 5:10 ပူးပေါင်းရင်းမြစ်များ

2 Samuel 7:9

Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.

2 Hadì 1:2

Ne sevaha he andew, neulug si Hadì Ahazia ziyà te rihas-rihas puun diyà te zivavew he endana te turuǥan din diyà te Samaria, ne nepurung sikandin meruuǥi. Tenged dutun duen menge etew he midsuǥù din he ibpehendiyà te simbahan he zutun ed-ezapa si Baal Zebub, he ed-ezapen diyà te Ekron, su wey zan mekeinsa ke egkeulian ded be sikandin.

1 Cronica 7:21

Zabad, wey si Shutela. Is menge anak ni Efraim he si Ezer wey si Elead, midhimetayan sikandan te menge meǥinged diyà te Gat, su ebpenakew zan te menge uyaǥen.

Amos 1:8

Edezeetan ku is menge pengulu ziyà te Ashdod wey Ashkelon, ne edsilutan ku is menge tig-Ekron. Is menge Filistihanen he ebpekepelaǥuy te silut, ebpematey zaan. Iyan a, is Nengazen he Megbevayà migkaǥi kayi.”

Amos 6:2

Egkeǥiyan niw is menge sakup niw te, “Ahaa niw is inged he Calne, wey is dekelà he inged he Hamat, wey is inged he Gat he sakup te Filistia. Hengkey, edhuna ve sikandan he mekeǥeǥehem te ginhedian te Juda wey Israel? Kenà. Edhuna ve he meluag is tanè dan te kenitew? Kenà daan.”

Josue 13:3

he sakup te menge Canaanhen. Heini puun te wahig he Shihor ziyà te zapit te edsilaan he vahin te Ehipto taman te zulunà te Ekron diyà te zizaya, ragkes en is lelima he menge inged te menge Filistihanen he: Gaza, Ashdod, Ashkelon, Gat, wey Ekron. Elin is tanà te menge Aybihanen

Josue 15:11

Midlaus heini ziyà te egkezizaya he kelendiǥan te Ekron ne mibulegkù pehendiyà te Shikeron, he ebpekevayà te Buntud he Baala taman te Jabneel. Ne midsangkù heini ziyà te Zaǥat he Mediteraneo,

Josue 15:45

Ragkes daan is Ekron wey malù dezekelà he inged wey is dezeisey he inged diyà te peliǥuy kayi,

Zatù 1:18

Elin naaǥew zan is menge inged he Gaza, Ashkelon, wey Ekron, ragkes en is menge lugar ziyà te peliǥuy kayi he menge inged.

1 Samuel 17:52

Ne mid-uvayan te menge sundaru te Israel wey Juda he ebpemengulahì, ne midal-as dan is menge Filistihanen taman te Gat wey Ekron. Nekepeyapat is menge minatey wey menge tegepalì te menge Filistihanen diyà te zalan puun te Shaaraim taman te Gat wey Ekron.

1 Samuel 5:11

Ne impetawag dan is langun he menge pengulu te menge Filistihanen ne migkeǥiyan dan te, “Ilikù niw heini is Kavan te Kebpekid-uyun te Megbevayà te Israel ziyà te kandin he lugar, su emun kenè niw idlikù ne egkengeǥerè key is meǥinged kayi.” Iyan heini hangyù dan tenged te utew zan neherati su mibpuun en medsilut is Megbevayà kandan su mezakel en is nemematey kandan.

1 Samuel 5:9

Ne hein nekeume en diyà, midsilutan daan te Nengazen is menge meǥinged dutun, batà etawa meǥurang su mibpelevaǥan sikandan te Nengazen.

1 Samuel 6:1

Hein midlavey en is pitu he vulan te ked-uwita ziyà te Filistia zuen te Kavan te Nengazen,