1 Samuel 4:8 - Manobo Western Bukidnon OT

⁸ Kehizu tew utew! Hentei ve vuwa is ebpekeluwas kenitew zutun te mekeǥeǥehem he menge megbevayè dan? Iyan heini kes menge megbevayà he midhimatey te menge Ehiptohanen diyà te sibsivayan pinaaǥi te mibarangbarang he menge kezeetan.

1 Samuel 4:8 ပူးပေါင်းရင်းမြစ်များ

Exodus 15:14

Egkezineg heini te zuma he menge nasyun ne egkerkeren sikandan te kegkahandek. Utew egkeherati is menge Filistihanen.

Exodus 7:5

Is menge Ehiptohanen, ne egketuenan dan he iyan a Nengazen emun igkepeseǥazan ku en kandan is utew merasey wey igkepeǥawas ku en puun diyà te kandan is menge Israilihanen.”

Exodus 9:14

Ne emun kenè nu sikandan edtuǥutan, ne ibpeiseg ku en is keveǥat te menge pigada ku kenikew, ragkes is menge upisyal nu wey is tivuuk he gin-etawan nu su wey nu metueni he wazà ebpekerepeng kedì kayi te tivuuk he kelibutan.

1 Samuel 4:7

nengahandek sikandan. Ke sikandan te, “Dilikadu kiw su nekeuma ziyà te kampu te menge Israilihanen kes menge megbevayè dan. Wazè pa heini meulaula puun pa zengan.

1 Samuel 4:9

Piru, ebpekevurut kiw, ne kenè kiw egkahandek para kenè kiw meuripen te menge Hebriyuhanen iring te kegkeuripena tew kandan dengan. Umbe ebpekidtebek kiw kandan!”

1 Samuel 5:7

Dutun te neehè dan is nengehitavù dutun te inged dan, migkaǥi zan te, “Kenà meupiya he kayi tew zà heini idtaǥù te kenitew is Kavan te Kebpekid-uyun te Megbevayà te Israel, su iyan heini hinungdan he edsilutan kiw wey si Dagon he ed-ezapen tew.”