1 Samuel 4:3 - Manobo Western Bukidnon OT

³ Hein nepasad is tebek ne midlikù kes menge Israilihanen he nesamà diyà te kampu zan. Hein nekeuma zan mid-insà is menge pengulu te Israilihanen te, “Maan is mibelagad kiw te Nengazen. Maan is nezaag kiw te menge Filistihanen? Deyzey pa ke egkuwaan tew kes Kavan te Kebpekid-uyun diyà te Shilo para eduma kenitew is Nengazen ne edluwasen kiw zin dutun te menge kuntada tew.”

1 Samuel 4:3 ပူးပေါင်းရင်းမြစ်များ

2 Samuel 15:25

Ne migkeǥiyan ni David si Zadok te, “Ilikù kes Kavan te Kebpekid-uyun te Megbevayà diyà te Jerusalem. Emun meupiya is gehinawa te Nengazen kedì, ne ibpelikù e zin diyà te Jerusalem ne egkeehè ku zed heini wey is lugar he egkesevukan din.

1 Cronica 17:1

Hein diyè en med-ubpà si David te turuǥan din, ne migkeǥiyan din is ebpeneuven he si Natan te, “Kayi e en med-ubpà te utew mekempet he turuǥan he kayu he sidru is inhiman duen, piru haazà is Kavan te Kebpekid-uyun te Nengazen ne ziyè dà te tulda.”

Salmo 74:1

He Megbevayà, maan is ebpedayun en is ked-iniyuǥi nu kenami? Maan is nepeukan key kenikew is menge etew he ebentayan nu?

Salmo 74:11

Maan is wazè nu pa sikandan siluti? Maan is henduen be te kenè nu edwelengen is menge velad nu? Dèdeeti nu en sikandan!

Isaias 50:1

Migkeǥiyan te Nengazen is menge etew zin te, “Inselikwey ku ve is Jerusalem iring te maama he mid-engkezan din is esawa zin? Peǥumbenara niw! Impevihag ku ve sikiyu iring te etew he impeuripen din is anak din diyà te neutangan din su wey mekevayad? Wazà! Nevihag kew tenged te menge salè niw; inselikwey is Jerusalem tenged te menge kedrapas niw.

Isaias 58:3

Egkeǥiyan e zan pa te, ‘Mibpuasa key, piru wazè ka medseǥipà. Midrasey zey is keugelingen dey, piru wazè nu heini beliya.’ “Midtavak a te: Iyan tutuu is, dutun te kebpuasa niw keugelingen niw zà he kelipey is ed-isipen niw, ne edèdaaǥen niw is menge terebahanti niw.

Isaias 59:1

Pemineg kew! Kunaan niw vuwa ke meluya wey vengel is Nengazen, ne tenged dutun kenè kew zin egkehimu te edlibri wey kenà sikandin ebpekezineg ke ed-umawen niw.

Isaias 59:2

Iyan nekepesuwey keniyu puun te Megbevayà is menge salè niw ne iyan daan heini hinungdan he mid-iniyuǥan kew zin wey kenè en ebpemineg te menge kebpengemuyù niw.

Jeremias 3:16

Emun egkeume en is timpu he utew kew en ebmahabet keniyan he tanà, ne kenè niw en human edtentenuzan is Kavan te Kebpekid-uyun ku keniyu. Kenè niw en heini ed-isipen wey edtentenuzan. Kenè kew en ebulungen kayi wey kenè kew en ed-uman ebaal te iring kayi.

Jeremias 7:4

Kenè kew pelimbung te menge etew he edtulung egkaǥi te kenè kiw egkemenu su kayi te kenitew is baley te Nengazen.

Numero 10:33

Umbe, mid-awà sikandan puun te vuntud te Nengazen ne midhipanew sikandan seled te tetelu he andew. Layun diyà te egkehunaan dan sikan is Kavan te Kebpekid-uyun su wey zan meturedu is lugar he egkehimelayan dan.

Numero 10:35

Kada ed-uwita sikan is Kavan te Kebpekid-uyun, egkaǥi si Moises te, “Sigi en, Nengazen, gurigawa nu en is menge kuntada nu. Berakat he mebpemelaǥuy sikandan.”

Numero 31:6

Midsuǥù sikandan ni Moises pehendiyà te tebek, 1,000 is ebpuun diyà te kada tribu, he ebpenguluwan ni Finehas he anak ni Eleazar te memumuhat. Mid-uwit si Finehas te menge gelemiten he ebpuun diyà te Tulda he Edtelevukaayan wey menge trumpita he egemiten te kebmandar.

Deuteronomio 29:24

Ne ed-insà is menge etew ziyà te langun he menge nasyun te, ‘Maan is midhimu heeyan te Nengazen diyà te nasyun dan? Maan is utew sikandin nepauk?’

Deuteronomio 31:26

“Kuwaa niw heini is Libru te Kesuǥuan ne isavuk niw ziyà te avey te Kavan te Kebpekid-uyun te Nengazen he Megbevayè niw. Ne kenà heini id-awà dutun su tistiǥus heini kuntra te menge etew te Israel.

Josue 4:7

keǥiyi niw sikandan he mid-engked he edtudà is Wahig he Jordan hein inlayun sikan is Kavan te Kebpekid-uyun te Nengazen. Heini he menge vatu kenà egkaawà he tedeman te menge etew te Israel taman te taman.”

Josue 6:6

Umbe, mid-umew ni Josue is menge memumuhat ne migkeǥiyan din te, “Uwita niw is Kavan te Kebpekid-uyun. Ne medhuna is pitu keniyu he ed-uwit te tigselimbaha he vudyung.”

Josue 7:7

Migkaǥi si Josue te, “He Nengazen he MEGBEVAYÀ, maan is impelayun key pa kenikew te Wahig he Jordan ke ibpezaag key zè bes kenikew te menge Amorihanen? Deyzey pa ke wazè key en med-awà diyà layun te Jordan.

Josue 7:8

He Nengazen, hengkey en be is egkekaǥi ku te mibpeleǥuyan man te menge Israilihanen is menge kuntada zan?

1 Samuel 1:24

Hein nelutas en kes batà, mid-uwit ni Hana ziyà te valey te Nengazen diyà te Shilo. Mid-uwit daan sikandin te tudu he vaka he tetelu en he tuig, wey herina he tengà te saku, wey binu he ziyà itaǥù te lundis he teleǥuey.

1 Samuel 14:18

Migkeǥiyan ni Saul si Ahia te, “Uwita kayi kes Kavan te Kebpekid-uyun te Megbevayà.”

1 Samuel 4:2

Ne midsurung te menge Filistihanen is menge Israilihanen ne zutun te meinit he tebek dan. Nengezaag te menge Filistihanen is menge Israilihanen; 4,000 is nepatey he menge Israilihanen.