1 Samuel 4:17 - Manobo Western Bukidnon OT

¹⁷ Midtavak kes etew te, “Nezaag is menge Israilihanen te menge Filistihanen ne mibpelaǥuy zan. Utew mezakel is nemematey he sundaru tew, naapil zaan kes dezuwa he menge anak nu he si Hofni wey si Finehas. Wey naaǥew zaan kes Kavan te Kebpekid-uyun te Megbevayà.”

1 Samuel 4:17 ပူးပေါင်းရင်းမြစ်များ

Salmo 78:61

Intuǥut din he maaǥew te menge kuntada sikan is Kavan te Kebpekid-uyun he simbulu te kegkemekeǥeǥehem din wey kegkelavew zin.

Salmo 78:64

Nemematey te tebek is menge memumuhat dan, ne is nengevalu he menge esawa zan ne wazè en mekelalew para kandan.

1 Samuel 2:34

Ne para metuusi nu he egkeulaula heini is migkaǥi ku, ebpatey is dezuwa he anak nu he si Hofni wey si Finehas te senge andew zà.

1 Samuel 3:11

Migkaǥi is Nengazen te, “Timan-i nu, kenè ne egkeuǥet, duen ebeelan ku kayi te Israel. Ne is langun he ebpekezineg kayi, ne utew en egkeherati.

1 Samuel 3:12

Emun egkeuma haazà he andew ne ebeelan ku is langun he migkaǥi ku he ebpekesuǥat te pemilya ni Eli.

1 Samuel 4:16

Ke sikandin te, “Beǥu e pa he nekeuma is ebpuun diyà te tebek. Nekepelaǥuy a.” Migkaǥi si Eli te, “Hengkey ves is neulaula mamà?”

1 Samuel 4:18

Hein nehisgutan dutun te etew kes Kavan te Kebpekid-uyun te Megbevayà, ne nekeley-ang si Eli zutun te bangkù he mibpinuuwan din he ziyà te kilid te pultahan te inged. Ne nevadtì is lieg din te kebpekezakdak din su melambeg wey meǥurang en daan sikandin, ne segugunà sikandin mibpatey. Nehimu sikandin he pengulu te Israel seled te 40 he tuig.