1 Samuel 4:13 - Manobo Western Bukidnon OT

^13-15 Dutun te kebpekeuma zin diyà te Shilo, dutun si Eli is ebpimpinuu ziyà te bangkù he kilid te zalan su edtaǥad ke zuen ebpekepenudtul su igkeipeng din sikan is Kavan te Kebpekid-uyun te Megbevayà. Si Eli, ne 98 en is penuiǥen din, umbe kenè en utew ebpekaahà. Ne zutun, midtudtul zutun te etew ziyà te inged is neulaula te tebek. Nezineg haazà te menge meǥinged ne nemensineǥew zan. Nezineg haazà ni Eli ne mid-insà si Eli, “Hengkey is idsineǥew te menge etew?” Migaanggaan med-uvey haazà is etew ziyà te ki Eli.

1 Samuel 4:13 ပူးပေါင်းရင်းမြစ်များ

Salmo 26:8

Nengazen, mahal ku is baley he ubpeey nu, he iyan kes lugar he zutun egkaahà is kegkemekeǥeǥehem nu.

Jeremias 48:19

Sikiyu is menge meǥinged diyà te Aroer, hitindeg kew ziyà te kilid te zalan, ne taǥad kew. Insai niw is ebpemelaǥuy ke hengkey is nehitavù.

Josue 7:9

Emun egkezineg heini te menge Canaanhen wey zuma pa he meǥinged kayi ne edliǥuyan key zan, ne ebpenhimetayan key zan. Ne emun iyan haazà, hengkey is ebeelan nu para kenà mezeeti is dengeg nu?”

1 Samuel 1:9

Sevaha he andew zutun, nekepasad dan he egkaan diyà te valey te Nengazen diyà te Shilo, midhitindeg si Hana ne nengemuyù ne ebpekesineǥew en, tenged te utew mesakit is gehinawa zin. Ebpimpinuu zutun si Eli is memumuhat te uvey te ǥemawan te valey te Nengazen.

1 Samuel 4:18

Hein nehisgutan dutun te etew kes Kavan te Kebpekid-uyun te Megbevayà, ne nekeley-ang si Eli zutun te bangkù he mibpinuuwan din he ziyà te kilid te pultahan te inged. Ne nevadtì is lieg din te kebpekezakdak din su melambeg wey meǥurang en daan sikandin, ne segugunà sikandin mibpatey. Nehimu sikandin he pengulu te Israel seled te 40 he tuig.