1 Samuel 4:11 - Manobo Western Bukidnon OT

¹¹ Kenà iyan dà haazà, kekenà, naaǥew pa te menge Filistihanen kes Kavan te Kebpekid-uyun, wey nepatey kes dezuwa he anak ni Eli he si Hofni wey si Finehas.

1 Samuel 4:11 ပူးပေါင်းရင်းမြစ်များ

Salmo 78:56

Iyan, migezaman dan is Utew Lavew he Megbevayà, su midsupak dan sikandin ne wazè dan tumana is menge suǥù din.

Salmo 78:64

Nemematey te tebek is menge memumuhat dan, ne is nengevalu he menge esawa zan ne wazè en mekelalew para kandan.

Isaias 3:11

Piru mekehizuhizu mulà is menge lalung, su ebpekeuma ziyà te kandan is bangkit. Ebelesan sikandan tenged te menge vaal zan.

Jeremias 7:12

“ ‘Hendiyè kew te Shilo he iyan kes nehuna he lugar he zutun a ebeǥayi te zengeg, ne ahàa niw ke hengkey is mibeelan ku zutun he lugar tenged te kelelalung te menge etew ku he Israilihanen.

1 Samuel 2:31

Tentenuzi nu heini, egkeuma is andew he ebpenhimetayan ku is langun he menge betan-en he menge maama te pemilya nu wey ziyà te zuma he menge kevuwazan te kepuun niw. Ed-antus kew wey kenè niw en egkeǥezaman is keuswaǥan he ibeǥey ku te zuma he menge Israilihanen. Wazè en ebmeǥurang keniyu.

1 Samuel 2:34

Ne para metuusi nu he egkeulaula heini is migkaǥi ku, ebpatey is dezuwa he anak nu he si Hofni wey si Finehas te senge andew zà.

1 Samuel 3:12

Emun egkeuma haazà he andew ne ebeelan ku is langun he migkaǥi ku he ebpekesuǥat te pemilya ni Eli.

1 Samuel 4:21

Hein wazè pa sikandin mebpatey iyan inngazan din dutun te vatà is Ikabud, he ke và dà egkeǥiya, “Naawè en diyà te Israel is mekeǥeǥehem he kebpekiduma te Megbevayà te Israel.” Su ǥeina kun te naaǥew kes Kavan te Kebpekid-uyun te Megbevayà wey minatey is esawa zin wey enuǥang din he maama.