1 Samuel 31:8 - Manobo Western Bukidnon OT

⁸ Hein sunud he andew, te nepasad is tebek, midhendiyà is menge Filistihanen te Buntud he Gilboa su egkuwaan dan is menge ǥumaan te menge nengepatey. Neehè dan diyà si Saul he minatey en wey is tetelu he anak din.

1 Samuel 31:8 ပူးပေါင်းရင်းမြစ်များ

2 Samuel 1:20

Kenà heini tudtula ziyà te inged he Gat, minsan diyà te menge zalan te inged he Ashkelon, su kela ke ikelipey zà heini te menge vahi te menge Filistihanen he wazà mekekilala te Megbevayà.

2 Samuel 1:21

Berakat he wazè en uzan wey ke zehemug be, ziyà te menge vuntud he Gilboa wey verakat daan he wazè en edtuvù he menge pinemula ziyà te menge vevesukà kayi para idhalad te Megbevayà. Su keniyan buringi te menge kuntada is kelasag te mevurut he hadì he si Saul. Ne wazè en melenahi heini he kelasag para mebmetilak.

1 Cronica 10:8

Hein sunud he andew, te nepasad is tebek, midhendiyà is menge Filistihanen te Buntud he Gilboa su egkuwaan dan is menge ǥumaan te menge nengepatey. Neehè dan diyà is minatey he lawa ni Saul wey menge anak din.

2 Cronica 20:25

Ne mibeyaan haazà ni Jehoshafat duma is menge sakup din ne mibpenguwa zan is menge azen dan. Dekelà is nekuwa zan he menge gelemiten, menge visti wey zuma pa he menge vutang he menge mahalen he kenè dan egkeekatan te ed-uwit. Tetelu he andew is kedtiǥuma zan dutun su utew zekelà haazà he azen.

1 Samuel 28:4

Diyà megkampu is tig-Filistia te Shunem, ne ziyà daan megkampu si Saul wey menge Israilihanen te Gilboa.

1 Samuel 31:7

Haazà he timpu ne zuen menge Israilihanen he ziyà med-ubpà te divaluy he menge suǥud he Jezreel wey ziyà layun te Wahig he Jordan. Hein neehè dan he nememelaǥuy is menge sundaru te Israel wey nepatey en si Saul wey kes menge anak din, ne mid-ewaan dan is menge inged dan ne mibpelaǥuy zan daan. Ne midselezan haazà te menge Filistihanen is menge inged ne iyan dan en dutun mid-ubpà.

1 Samuel 31:9

Mibpungelan dan si Saul te ulu ne migkuwa zan is menge ǥumaan din. Ne midsuǥù dan te ibpepenudtul ziyà te tivuuk he tanà te menge Filistihanen su wey zan metudtul ziyà te simbahan he ed-ezapan dan te kenà tutuu he Megbevayà wey ziyà te menge zuma zan he minatey en si Saul.