1 Samuel 31:6 - Manobo Western Bukidnon OT

⁶ Umbe, te haazà he andew minatey si Saul, wey is tetelu he menge anak din he maama, is tig-uwit te gumaan din, wey is langun he menge sakup din.

1 Samuel 31:6 ပူးပေါင်းရင်းမြစ်များ

2 Samuel 1:1

Hein minatey en si Saul midlikù ensi David diyà te Ziklag te nezaag dan en dutun is menge Amalikanhen. Dezuwa he andew sikandan dutun te Ziklag.

2 Samuel 1:12

Nemenineǥew zan wey mibpuasa taman te mezukilem su midruǥur zan ki Saul, wey te anak din he si Jonatan, wey te nasyun he Israel, he menge etew te Nengazen, su utew mezakel kandan is nengepatey te tebek.

1 Cronica 10:6

Umbe, minatey si Saul, wey is tetelu he menge anak din he maama, ne wazè en kevuwazan din he nehimu he hadì.

Zatù 9:54

Migègaanan din umawa is tig-uwit te ǥumaan din, ne migkeǥiyan din te, “Hulevuta nu is ispada nu ne himetayi a su para kenà sikandan mekekaǥi te vahi zà is nekepatey kediey.” Umbe midsundang sikandin dutun te suluǥuen din ne minatey sikandin.

1 Samuel 11:15

Umbe midhendiyè dan langun te Gilgal ne impekilala zan diyà te etuvangan te Nengazen he si Saul nehimu en he hadì. Ne nemuhat sikandan dutun te pemuhat he para te meupiya he kedepità, wey midlipeylipey zan langun.

1 Samuel 12:17

Kenè be gulavung man heini he timpu is tiraǥun te trigu? Piru edhengyuen ku is Nengazen he iperuǥung din wey ipeuzan din. Ne zutun egkeisip-isip niw he mezaat bes diyà te etuvangan te Nengazen haazà is kebuyù niw te hadì.”

1 Samuel 12:25

Emun ebpedayun kew he ebaal te salà, sikiyu wey is hadì niw ne egkezeetan.”

1 Samuel 26:10

Ibpesarig ku he edsilutan sikandin te uuyag he Nengazen, ne iyan is Nengazen edhimatey kandin, etawa ebpatey sikandin te daru etawa tebek.

1 Samuel 28:19

Umbe, keeselem ibpalad ke zin en wey is menge Israilihanen diyà te menge Filistihanen, ne egkehimu he ebpekeduma ki wey te menge anak nu he maama ziyà te lugar te menge minatey.”

1 Samuel 31:5

Hein naahà dutun te tig-uwit te ǥumaan din he minatey en, mid-uney zin daan sundanga is lawa zin te ispada zin, ne minatey sikandin duma ki Saul.

1 Samuel 31:7

Haazà he timpu ne zuen menge Israilihanen he ziyà med-ubpà te divaluy he menge suǥud he Jezreel wey ziyà layun te Wahig he Jordan. Hein neehè dan he nememelaǥuy is menge sundaru te Israel wey nepatey en si Saul wey kes menge anak din, ne mid-ewaan dan is menge inged dan ne mibpelaǥuy zan daan. Ne midselezan haazà te menge Filistihanen is menge inged ne iyan dan en dutun mid-ubpà.