1 Samuel 31:12 - Manobo Western Bukidnon OT

¹² Ne zutun migenat is langun he menge mevurut he etew zutun te kandan te tivuuk mezukilem taman te nekeuma zan diyà te Bet Shan. Migkuwa zan is lawa ni Saul wey is menge anak din dutun te berengbeng te Bet Shan, ne mid-uwit dan diyà te Jabesh ne mibinsulan dan.

1 Samuel 31:12 ပူးပေါင်းရင်းမြစ်များ

1 Cronica 10:12

Umbe, migenat is langun he menge beǥani kandan ne migkuwa zan is lawa ni Saul wey is menge anak din, ne mid-uwit dan heini ziyà te Jabesh. Ne inleveng dan haazà is menge minatey ziyà te zizalem te zekelà he kayu ziyà te Jabesh, ne mibpuasa zan seled te pitu he andew.

2 Cronica 16:14

Inleveng sikandin diyà te penlevengà he mibpeveelan din para te keugelingen din diyà te Inged ni David. Impehizeǥè dan sikandin diyà te hizeǥeey he zuen duen nekedseselekawà he menge pehemut, wey midtetavun is menge etew te zekelà he hapuy para te kebeǥayi kandin te zengeg.

Jeremias 34:5

kekenà, ebpatey ka he melinawen. Edtutung te veyewà is menge etew nu su ebeǥayan ke zan te zengeg iring te mibeelan dan hein inleveng is menge kepuun nu he nehuna kenikew he midhadì. Igkeseeng ke zan ne ke sikandan te, ‘Minatey en is hadì dey!’ Iyan a, is Nengazen, is migkaǥi kayi.”

Amos 6:10

Is ebpatey, egkuwaan te kezuzumahi zin su edtutungen din. Ne ed-insaan din is ed-eles diyà te seled te valey te, “Duen nu pe be zuma keniyan?” Ne emun edtavak te wazà, ne egkaǥi haazà is mid-insà te, “Kenè ke en kaǥikaǥi su kela ke mesempiti nu is ngazan te Nengazen ne egkesilutan ki.”

1 Samuel 31:10

Diyè dan isavuk haazà is menge ǥumaan ni Saul te valey he zutun is megbevayè dan he si Ashtoret ne inransang dan is minatey he lawa ni Saul ziyà te berengbeng te inged he Bet Shan.