1 Samuel 31:1 - Manobo Western Bukidnon OT

¹ Dutun he timpu, nekidtebek is menge Filistihanen te menge Israilihanen diyà te Buntud he Gilboa. Mezakel is nemematey te menge Israilihanen ne is duma ne mememelaǥuy.

1 Samuel 31:1 ပူးပေါင်းရင်းမြစ်များ

2 Samuel 1:21

Berakat he wazè en uzan wey ke zehemug be, ziyà te menge vuntud he Gilboa wey verakat daan he wazè en edtuvù he menge pinemula ziyà te menge vevesukà kayi para idhalad te Megbevayà. Su keniyan buringi te menge kuntada is kelasag te mevurut he hadì he si Saul. Ne wazè en melenahi heini he kelasag para mebmetilak.

2 Samuel 1:6

Midtavak haazà is menguhed pa he etew te, “Hein diyè e pa te Buntud he Gilboa, ne neehè ku si Saul zutun is nesendiǥan din dà is bangkew zin. Ne is menge kuntada zin ne mid-uvey en diyà te kandin is ed-untud te menge kerwahi wey menge kudà.

2 Samuel 4:4

Gawas ki Ishboshet duen pa kevuwazan ni Saul he nesamà he iyan si Mefiboshet, he anak ni Jonatan. Lelime en he tuig is penuiǥen din te kebpatey ni Saul wey si Jonatan diyà te Jezreel. Hein netuenan duen te egahat ki Mefiboshet he minatey en si Saul wey si Jonatan, migègaanan din enawa sikandin ne mibpelaǥuy. Dutun te utew zin kegkezeǥusu he ebpelaǥuy, nelekaan din haazà is batà umbe nehimu he begelid heini.

1 Samuel 12:25

Emun ebpedayun kew he ebaal te salà, sikiyu wey is hadì niw ne egkezeetan.”

1 Samuel 28:1

Dutun he timpu midtiǥum te menge Filistihanen is menge sundaru zan su ebpekidtebek dan te menge Israilihanen. Migkeǥiyan ni Akish si David te, “Sikew wey is menge sakup nu ne kinahanglan he meduma kenami te ebpekidtebek.”

1 Samuel 28:15

Migkeǥiyan ni Samuel si Saul te, “Maan is midsamuk a kenikew pinaaǥi te ked-umawa nu kedì?” Midtavak si Saul te, “Duen dekelà he prublima ku. Mibpekidtebek kedì is menge Filistihanen ne mid-iniyuǥan a te Megbevayà. Wazè e zin en tevaka, minsan pinaaǥi zà te menge ebpeneuven wey te menge teǥeinep. Umbe impeumew ku sikew su wey a kenikew mekeǥiyi ke hengkey is ebeelan ku.”

1 Samuel 28:19

Umbe, keeselem ibpalad ke zin en wey is menge Israilihanen diyà te menge Filistihanen, ne egkehimu he ebpekeduma ki wey te menge anak nu he maama ziyà te lugar te menge minatey.”

1 Samuel 28:4

Diyà megkampu is tig-Filistia te Shunem, ne ziyà daan megkampu si Saul wey menge Israilihanen te Gilboa.

1 Samuel 29:1

Dutun midtiǥum te menge Filistihanen is langun he menge sundaru zan diyà te Afek, ne is menge Israilihanen ne ziyè dan megkampu te serebseb te Jezreel.