1 Samuel 30:23 - Manobo Western Bukidnon OT

²³ Midtavak si David te, “Menge suled, kenè kew peleleǥed te imbeǥey te Nengazen kenitew. Midtevangan kiw zin ne nezaag tew is midlusud kenitew.

1 Samuel 30:23 ပူးပေါင်းရင်းမြစ်များ

Genesis 19:7

Migkeǥiyan din sikandan te, “Menge geli ku, kenà haazà egkehimu. Edhangyù a he kenè niw ul-ulaha heeyan is utew mezaat.

Habakuk 1:16

Ne tenged te mahabet is nevihag dan, midalig dan is keugelingen dan tenged te kebpekegaga zan; iring sikandan te mengingisdà he mibeǥayan din te zengeg is bunuwit din etawa puket din pinaaǥi te kedtutung te veyewà he pemuhat para kayi he menge azen. Su pinaaǥi te vunuwit din etawa puket din ne midsepian sikandin ne egkekaan din is metaam he menge keenen he egkesuatan din te egkaan.

Deuteronomio 8:10

Emun ebpekekaan kew en te minsan hengkey he egkesuatan niw, ne zeliǥa niw is Nengazen he Megbevayè niw tenged te kebeǥayi zin keniyu te utew meupiya he tanà.

Deuteronomio 8:17

Su kela ke megkaǥi kew te, ‘Pinaaǥi te kedì he ǥehem wey zesen naangken ku heini is langun he ketiǥeyunan.’

Deuteronomio 8:18

Piru tentenuzi niw he iyan is Nengazen he Megbevayè niw mibeǥey keniyu te ebilidad he insepian niw, ne mibeelan din heini su para metuman din is kebpekid-uyun din keniyu he impenangdù din diyà te menge kepuun niw. Ne edtumanen din en heini ǥuntaan.

Zatù 19:23

Midtavak haazà is meǥurang te, “Menge suled, meǥeliyug ku heini is etew, umbe kenè niw veeli ziyà te kandin heeyan is meremerik wey mekeeled-eled he vaal.

1 Samuel 2:7

Edhimuwen din is duma he pubri, ne is duma, ibpesepian din. Ibpekevavè din is duma, wey ibpemetikang din is duma.

1 Samuel 30:22

Ne zuen dutun menge sakup ni David he egkengelalunglalung, ke sikandan te, “Kenè tew ebehinan sikandan te nengaaǥew tew ziyà te menge Amalikanhen su wazè dan meduma kenitew. Ilikù niw zà kandan is menge esawa zan wey menge anak dan, ne ibpeǥenat en sikandan.”

1 Samuel 30:24

Wazà iyan ebpemineg keniyan te egkeǥiyen niw. Kinahanglan he ebehinan is langun! Is bahin te mibpelintetaǥak he ebantey te menge gamit tew, kinahanglan he id-repeng daan duen te midhendiyà te tebek.”

1 Samuel 30:8

Ne mibpenginginsà si David te Nengazen te, “Egkehimu ve he edtelukunan dey is midsurung kenami? Egkezaag dey vuwa sikandan?” Midtavak is Nengazen te, “Uya, telukuni niw sikandan su egkezaag niw, ne egkelibri niw is menge vinihag.”