1 Samuel 30:21 - Manobo Western Bukidnon OT

²¹ Hein nekelikù en ensi David diyà te zal-ug he Besor, midsinuǥung sikandan dutun te 200 he menge sakup din he mibpelintetaǥak tenged te utew zan kegkeveley. Migkemusta sikandan ni David.

1 Samuel 30:21 ပူးပေါင်းရင်းမြစ်များ

Zatù 8:15

Ne kegkepasad dutun mibeyaan eni Gideon is menge tig-Sucot ne migkeǥiyan sikandan ni Gideon te, “Egketenuzan niw ve is ked-insultuwi niw kedì? Migkaǥi kew te, ‘Zekepa niw zep-a si Zeba wey si Zalmuna ne human dey ebeǥayi te keenen is menge nengeveley wey nengevitil he menge sundaru nu?’ Ne ǥuntaan, heini en si Zeba wey Zalmuna.”

1 Samuel 17:18

Uwiti nu zaan is peremandar te menge sundaru te sepulù he kisu. Susiya nu zaan ke nemenumenu en is menge kakey nu, ne likù ka kayi ne uwit ka te tuus he meupiya is kebpekesavuk dan.

1 Samuel 17:22

Intaǥak ni David kes menge uwiten din dutun te sineriǥan he ebantey te menge azen te menge sundaru, ne mibpelelaǥuy sikandin diyà te edtebekan te menge sundaru ne migkemusta zin is menge suled din.

1 Samuel 30:10

200 he menge sakup din su utew zan en nengeveley ne kenè dan en ebpekelayun dutun te zal-ug. Piru si David ne midlaus mulà medal-as duma zin is 400 he sakup din.

1 Samuel 30:22

Ne zuen dutun menge sakup ni David he egkengelalunglalung, ke sikandan te, “Kenè tew ebehinan sikandan te nengaaǥew tew ziyà te menge Amalikanhen su wazè dan meduma kenitew. Ilikù niw zà kandan is menge esawa zan wey menge anak dan, ne ibpeǥenat en sikandan.”