1 Samuel 30:17 - Manobo Western Bukidnon OT

¹⁷ Midsurung sikandan ni David duma is menge sakup din, ne dezuwa he kezukileman is kedtebek dan taman te mid-uman en maan mebmezukilem. Ne wazà minsan sevaha he nekepelaǥuy gawas te 400 he menge betan-en he nemen-untud te kemilyu he nemelaǥuy.

1 Samuel 30:17 ပူးပေါင်းရင်းမြစ်များ

2 Samuel 1:1

Hein minatey en si Saul midlikù ensi David diyà te Ziklag te nezaag dan en dutun is menge Amalikanhen. Dezuwa he andew sikandan dutun te Ziklag.

2 Samuel 8:12

Edom, Moab, Ammon, Filistia, wey Amalek. Inhalad din daan is nengaaǥew zan diyà te ki Hadì Hadadezer he hadì te Zoba, he anak ni Rehob.

2 Hadì 7:5

Umbe, hein mezukilem en, midhendiyè dan te kampu te menge Aramihanen. Ne hein nekeuma zan ne wazà etew zuen.

1 Cronica 4:43

Mibpenhimetayan dan dutun is nesamà he menge Amalikanhen, ne zutun dan en med-ubpà taman en guntaan.

Salmo 18:42

Midruntek ku sikandan taman te neiring en sikandan te eliyavuk he idlayap te keramag. Midtekutakan ku sikandan he iring te tunaan diyà te menge zalan.

Jeremias 41:15

Piru si Ishmael wey is walu he menge sakup din mibpelaǥuy pehendiyà te Amon.

Zatù 4:16

Midal-as ni Barak is menge sundaru ni Sisera wey sikan is menge perekerwahi zin taman te Haroshet Hagoyim ne migerè dan. Ne wazà minsan sevaha he nesamà.

Zatù 7:12

Is menge Midianhen, menge Amalikanhen, wey zuma pa he menge etew he ebpuun diyà te edsilaan, migkampu ziyà te menge suǥud he henduen be te kahabet te terapan is kahabet dan. Is menge kemilyu zan henduen be te kahabet te pantad diyà te veyvey te zaǥat he kenà egkevilang.

1 Samuel 11:11

Meǥaan en egkepawà dutun te sunud he andew, ne mibahinbahin ni Saul is menge sakup din te tetelu he grupu. Ne hein utew pa meselem dutun, midsurung dan is kampu te menge Amunihanen ne mibpenhimetayan dan taman te meudtu. Is wazà mepatey kandan nemelaǥuy he tigselimbaha.

1 Samuel 15:3

Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”