1 Samuel 30:16 - Manobo Western Bukidnon OT

¹⁶ Umbe, nenangdù si David, ne midumahan sikandan duen te Ehiptohanen diyà te migkempuwan duen te menge mengayew. Ne zutun neehè dan is menge Amalikanhen he nekepeyapat he ebpemengaan, ebpen-inum wey utew menge melipayen, tenged te utew mezakel is naaǥew zan diyà te menge Filistihanen wey ziyà te Juda.

1 Samuel 30:16 ပူးပေါင်းရင်းမြစ်များ

2 Samuel 13:28

Migkeǥiyan ni Absalom is menge sakup din te, “Teǥazi niw ke egkelangut si Amnon, ne emun edsinyas a, ne himetayi niw en sikandin. Kenè kew mahandek; su iyan a midsuǥù keniyu. Pekezesen kew wey pekevurut kew.”

1 Cronica 4:43

Mibpenhimetayan dan dutun is nesamà he menge Amalikanhen, ne zutun dan en med-ubpà taman en guntaan.

Job 20:5

ne edlavey zà is kelipey te lalung he etew. Uya, kenà egkeuǥet is kelipey te etew he wazà medtuu te Megbevayà.

Salmo 119:162

Igkelipey ku is saad nu iring te kelipey te etew he nekaahà te zekelà he ketiǥeyunan.

Exodus 32:6

Umbe, hein meselem en, ne mid-enew is menge etew ne nemuhat dan te pemuhat he edtutungen wey pemuhat he para te meupiya he kedepità. Ne mibpemengaan wey mibpemenginum sikandan, ne mibeelan dan is egkesuatan dan te ebaal te kedlipeylipey te kedsimbaha zan dutun te ed-ezapen dan.

Isaias 22:13

Piru midlipey kew wey midsilibra kew hinuun. Midlapè kew te menge vaka wey menge kerehidu, ne migkaan kew te usa wey mid-inum kew te vinu. Ke sikiyu te, “Egkaan kiw wey edlipey kiw su kela ke mebpatey kiw en keeselem.”

Isaias 9:3

Nengazen, ebeǥayan nu sikandan te utew zekelà he kelipey. Egkelipey sikandan diyà te etuvangan nu iring te menge etew he egkelipey emun tiraǥun etawa iring te menge etew he igkelipey zan is bahin dan te menge azen he netavan dan diyà te kebpekidtebek dan.

Josue 22:8

he ke sikandin te, “Ed-ulì kew he ed-uwit te mahabet he menge ketiǥeyunan–menge uyaǥen, pelata, bulawan, brunsi, putew wey menge visti. Behini niw is menge kezuzumahi niw he ziyà te keniyu te minsan hengkey he naaǥew niw ziyà te menge kuntada niw.”

Zatù 8:11

Midtekezeg ensi Gideon he edal-as kandan. Diyà sikandan mebayà te lugar te menge ebpemen-ubpà diyà te tulda he zapit te edsilaan he sakup te Noba wey Jogbeha. Ne midtik-awan dan etekiya is menge Midianhen.

1 Samuel 30:14

Midsurung dey is sakup te Negev he mid-ubpaan te menge Kiritnen, he sakup te Juda, wey apil pa is sakup te Negev he ed-ubpaan te menge kevuwazan ni Caleb. Ne mibinsulan dey zaan is Ziklag.”

1 Samuel 30:15

Ne migkeǥiyan sikandin ni David te, “Igkepenurù nu ve kenami ke hendei megkampu heini is menge mengayew?” Midtavak sikandin te, “Penengdui a kenikew ziyà te etuvangan te Megbevayà he kenà a kenikew himetayi wey kenà a kenikew iveǥey te egalen ku, ne ibpeturedu ku human keniyu is kampu zan.”