1 Samuel 30:13 - Manobo Western Bukidnon OT

¹³ Ne human insai ni David te, “Hentei ves is egalen nu? Tege hendei ke ves?” Midtavak sikandin te, “Sevaha a he Ehiptohanen ne uripen a te sevaha he Amalikanhen. Mid-ewaan a te egalen ku, tetelu en he andew su midezaru a.

1 Samuel 30:13 ပူးပေါင်းရင်းမြစ်များ

2 Samuel 1:13

Ne mid-umanan insai ni David haazà is betan-en he mibpenudtul kandin te, “Hendei ka ed-ubpà?” Midtavak sikandin te, “Amalikanhen a he ziyà med-ubpà te tanè niw he Israel.”

2 Samuel 1:3

Mid-insaan sikandin ni David te, “Hendei ke ves ebpuun?” Midtavak sikandin te, “Mibpelaǥuy a puun te kampu te menge Israilihanen.”

2 Samuel 1:8

Mid-insaan e zin ke hentei a. Midtavak a te Amalikanhen a.

Erubasa 12:10

Is metazeng he etew, ed-elimahan din is menge uyaǥen din, piru is ketulanged te etew he mezaat is menge ulaula zin, ebpekezezaat su seligkep dà.

Jonas 1:8

Ne zutun migkeǥiyan dan si Jonas te, “Maan is nehitavù heini is bagyu? Maan is kayi ka? Hendei ka ebpuun? Hengkey is ngazan te nasyun nu? Hengkey ka he kelasi te etew?”

1 Samuel 30:12

wey sengekemkem he ingkagkag he higus wey dezuwa he akup he pasas, su tetelu he andew he wazà mekekaan wey wazà mekeinum, ne hein nekekaan wey nekeinum sikandin ne human pa mebmezesen sikandin.

1 Samuel 30:14

Midsurung dey is sakup te Negev he mid-ubpaan te menge Kiritnen, he sakup te Juda, wey apil pa is sakup te Negev he ed-ubpaan te menge kevuwazan ni Caleb. Ne mibinsulan dey zaan is Ziklag.”