1 Samuel 30:1 - Manobo Western Bukidnon OT

¹ Hein iketelu en he andew, nekeuma si David wey is menge sakup din diyà te Ziklag. Netuenan dan he midsurung te menge Amalikanhen is Negev, apil en is Ziklag. Mibinsulan dan is Ziklag

1 Samuel 30:1 ပူးပေါင်းရင်းမြစ်များ

Genesis 24:62

Ne si Isaac, diyà sikandin ed-ubpà te Negev, beǥu pa sikandin mekeulì he ebpuun te Beer Lahai Roi.

2 Samuel 1:1

Hein minatey en si Saul midlikù ensi David diyà te Ziklag te nezaag dan en dutun is menge Amalikanhen. Dezuwa he andew sikandan dutun te Ziklag.

2 Samuel 1:2

Iketelu he andew, zuen nekeuma zutun te Ziklag he etew he ebpuun diyà te kampu ni Saul, he nengevindas is kumbalè din, ne nepurung te eliyavuk is ulu zin su ibpeehè din he edlalew sikandin. Midhendiyà sikandin te ki David ne midluhud su edtahud kandin.

2 Samuel 1:8

Mid-insaan e zin ke hentei a. Midtavak a te Amalikanhen a.

2 Samuel 15:18

Ne impehuna ni David is langun he menge sakup din, wey is langun he ebantey kandin he menge Kiritnen wey menge Pilitnen. Ne edsunud daan is 600 he Gitanhen he miduma kandin he ebpuun diyà te Gat.

1 Cronica 12:21

Mid-uǥupan dan si David te kebpekidtebek te ebpemenurung, su menge mahagtì heini langun he menge sundaru. Umbe nehimu sikandan he peremandar te menge sundaru ni David.

1 Cronica 12:22

Kada andew ne zuen ebpemenhendiyà he menge etew te ki David su ed-uǥup dan kandin, taman te mibmezakel wey mibmelig-en is menge sundaru zin.

Jeremias 41:12

Umbe, midtiǥum dan is langun he menge sakup dan ne migenat dan su ebpekidtebek dan ki Ishmael. Neseutan dan sikandin diyà te zekelà he peneng he ziyà te Gibeon.

Josue 11:6

Migkaǥi is Nengazen diyà te ki Josue te, “Kenè kew mahandek kandan, su keeselem te iring kayi he uras, ne egeraan ku sikandan is langun para te Israel. Penlepui niw is menge kudè dan wey peminsuli niw is menge kerwahi zan.”

Josue 15:31

Ziklag, Madmana, Sansana,

1 Samuel 15:7

Ne midsurung eni Saul is menge Amalikanhen puun te Havila taman te Shur, he zapit te edsilaan te Ehipto.

1 Samuel 15:8

Nengepatey zan is langun he menge Amalikanhen, gawas ki Agag he hadì. Wazè dan mulà himetayi piru mibihag dan dà. Wazè dan daan penhimetayi is kerehidu he meupiya is lawa zin wey is menge vaka, minsan is menge nati. Is langun he meupiya ne wazè dan himetayi, iyan dan dà midhimetayan kes kanà memeupiya wey kenè en egkepulusan.

1 Samuel 27:6

Ne te haazè dà he andew imbeǥey ni Akish kandin is Ziklag. Ne puun dutun taman guntaan, is Ziklag ne ǥaked te menge hadì te Juda.

1 Samuel 29:10

Umbe, te egkepkepawà ne enew ke en duma is menge sakup nu ne ulì kew.”

1 Samuel 29:11

Egkepkepawà ne mid-enew si David wey is menge sakup din, ne midlikù dan diyà te tanà te Filistihanen, ne is menge Filistihanen mulà nenhendiyè dan te Jezreel.

1 Samuel 29:4

Piru nengepauk is menge peremandar te menge Filistihanen. Ke sikandan te, “Ipelikù heeyan he etew ziyà te lugar he imbeǥey nu kandin. Su kenà ereg he eduma sikandin kenitew te ebpekidtebek, su kela ke unaya kiw zin te edhimatey para maawà is kegkepeuki kandin te egalen din.

1 Samuel 30:14

Midsurung dey is sakup te Negev he mid-ubpaan te menge Kiritnen, he sakup te Juda, wey apil pa is sakup te Negev he ed-ubpaan te menge kevuwazan ni Caleb. Ne mibinsulan dey zaan is Ziklag.”