1 Samuel 3:15 - Manobo Western Bukidnon OT

¹⁵ Nekelipezeng si Samuel taman te egkepawà, ne mibpuwasan din is gemawan te valey te Nengazen. Egkahandek si Samuel he ebpenudtul ziyà te ki Eli mehitenged te impahayag te Nengazen diyà te kandin.

1 Samuel 3:15 ပူးပေါင်းရင်းမြစ်များ

1 Cronica 15:23

Ne is midseriǥan te kebantey zuen te Kavan te Kebpekid-uyun te Nengazen ne iyan si Berekia wey si Elkana.

Malakias 1:10

Migkaǥi is Nengazen he Mekeǥeǥehem, “Deyzey pezem ke zuen sevaha keniyu te menge memumuhat he edlekeb te menge pultahan te valey ku, su wey kew kenè ne meketetavun diyà te pemuhatà he para kediey te hapuy he wazè din pulus. Kenè ku edewaten is menge ibpemuhat niw, su wazè ku sikiyu ikelipey.

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.

1 Samuel 1:9

Sevaha he andew zutun, nekepasad dan he egkaan diyà te valey te Nengazen diyà te Shilo, midhitindeg si Hana ne nengemuyù ne ebpekesineǥew en, tenged te utew mesakit is gehinawa zin. Ebpimpinuu zutun si Eli is memumuhat te uvey te ǥemawan te valey te Nengazen.

1 Samuel 3:10

Midhendiyà is Nengazen te ki Samuel he midhitindeg. Ne iring ded te nehuna he mibeelan din, mid-umew zin en maan si Samuel te, “Samuel, Samuel.” Ne migkaǥi si Samuel te, “Kaǥi ka, Nengazen su ebpemineg a is suluǥuen nu.”

1 Samuel 3:16

Ne mid-umew zin te, “Samuel, anak.” Midtavak si Samuel, “Hengkey, datù.”