1 Samuel 3:13 - Manobo Western Bukidnon OT

¹³ Su mibpetizeenan ku sikandin he edsilutan ku is pemilya zin taman te taman tenged te mibpesagdan din is menge anak din te kebaal te salà he utew mekeeled-eled minsan netuenan din haazà.

1 Samuel 3:13 ပူးပေါင်းရင်းမြစ်များ

1 Hadì 1:6

Puun pa te nengehuna he timpu pinesagdan sikandin ni David, ne kenè en edewayen ke hengkey is ebeelan din. Utew metaid si Adonia; nesekepu sikandin ni Absalom.

1 Hadì 2:44

Migkeǥiyan pa sikandin duen te hadì te, “Siguradu egketenuzan nu is langun he mezaat he mibeelan nu ziyà te amey ku he si David. Guntaan ebelesan ka te Nengazen tenged te mezaat he menge vaal nu.

2 Cronica 20:12

He Megbevayè dey, kenè nu ve sikandan edsilutan? Kenè key ebpekehimu he edsukul kayi te utew mezakel he menge sundaru he edsurung kenami. Kenè dey egketuenan ke hengkey is ebeelan dey, piru edsarig key kenikew.”

Erubasa 19:18

Mensuwa nu is menge anak nu zutun te zuen pa timpu. Emun kenè nu sikandan ebmensuwen, iring te mid-uǥup ka he edhimatey kandan.

Erubasa 29:15

Is kebmensuwa te vatà pinaaǥi te kedlegkuta kandin, ebpekepenurù kandin ne egkehimu he uluwanen, iyan, emun pinesagdan is batà, egkepeel-elezan din is iney zin.

Megwewali 7:22

Su netuenan nu he sikew mismu layun nu ed-rewaki is duma.

Ezekiel 18:30

“Umbe egkeǥiyan ku sikiyu is menge etew te Israel, te siak, is Nengazen he MEGBEVAYÀ iyan a edhukum te kada sevaha keniyu sumalà te menge vaal niw. Guntaan sendit kew ne iniyuǥi niw is menge salè niw su wey kew kenà mezeeti.

Ezekiel 7:3

Ketepusan niw en, su ibpeǥezaman ku en keniyu is pauk ku. Edhukuman ku sikiyu te sungkad te menge vaal niw. Ebelesan ku sikiyu te langun he utew memezaat he menge ulaula niw.

Joel 3:12

Migkaǥi is Nengazen te, “Kinahanglan he egkehinggat is menge etew ziyà te peliǥuy he menge nasyun te kedhendiyà te Suǥud ni Jehoshafat, su edhukuman ku sikandan dutun.

Deuteronomio 17:12

Is etew he kenà edawat te disisyun te zatù etawa memumuhat he ebpenilbi te Nengazen he Megbevayè niw zutun he timpu ereg he edhimetayan. Kinahanglan he id-awè niw heini he mezaat he vaal ziyà te Israel.

Deuteronomio 21:18

“Penenglitan duen sevaha keniyu he zuen din anak he maama he utew mesinupaken wey ebpekidsukulà, ne kenà ebpezumazuma te menge ginikanan din minsan ebmensuwen dan en sikandin.

1 Samuel 2:12

Is dezuwa he menge anak ni Eli menge tulebung he menge etew. Wazè dan medtuman te suǥù kandan te Nengazen.

1 Samuel 2:17

Utew heini zekelà he salà he nehimu te menge anak ni Eli he naahà te Nengazen diyà te kandan, su wazè dan tehuza is pemuhat para te Nengazen.