1 Samuel 3:11 - Manobo Western Bukidnon OT

¹¹ Migkaǥi is Nengazen te, “Timan-i nu, kenè ne egkeuǥet, duen ebeelan ku kayi te Israel. Ne is langun he ebpekezineg kayi, ne utew en egkeherati.

1 Samuel 3:11 ပူးပေါင်းရင်းမြစ်များ

2 Hadì 21:12

Umbe siak, is Nengazen he Megbevayà te Israel, ebpeeǥiyan ku te kezeetan is Jerusalem wey is Juda, he igkelimezangi te kada ebpekezineg duen.

Job 41:9

Wazà pulus te kedtinguhà ked-utel kandin. Su kegkaahaa nu pa kandin egkaawè en is burut nu.

Isaias 28:19

Layun heini ebpekeuma su kada andew, meselem wey mezukilem, ne edezaat heini keniyu.” Egkahandek kew emun egkesavut niw heini he menge lalag.

Isaias 29:14

Umbe, ed-umanan ku edhimuwa heini kayi te menge etew is ebpekedsusunud he menge egkein-inuwan he menge vaal ku. Id-awè ku is ketau te menge uluwanen wey is kedsavut te menge metau.”

Jeremias 19:3

Kaǥi ka te, ‘He menge hadì te Juda wey menge etew ziyà te Jerusalem, pemineǥa niw is menge lalag te Nengazen he Mekeǥeǥehem, he Megbevayà te Israel. Iyan heini migkaǥi zin: Ebpeeǥiyan ku te kezeetan heini he lugar he igketingkemed te minsan hentei he ebpekezineg duen.

Habakuk 1:5

Midtavak is Megbevayà, “Purungi niw ahaa is egkehitavù diyà te menge nasyun ne egkeinuinu kew te egkeehè niw. Su zuen ebeelan ku ziyà te timpu niw he kenè niw egketuuwan minsan duen pa kayi edtudtul ziyà te keniyu.

1 Samuel 3:10

Midhendiyà is Nengazen te ki Samuel he midhitindeg. Ne iring ded te nehuna he mibeelan din, mid-umew zin en maan si Samuel te, “Samuel, Samuel.” Ne migkaǥi si Samuel te, “Kaǥi ka, Nengazen su ebpemineg a is suluǥuen nu.”

1 Samuel 4:10

Umbe, nekidtebek is Filistihanen, ne nezaag dan haazà is menge Israilihanen. Utew mezakel is nemematey; 30,000 he menge Israilihanen is minatey. Ne is nengesamà he menge Israilihanen ne mibpemelaǥuy ne mibpen-ulì dan diyà te ubpaan dan.