1 Samuel 3:1 - Manobo Western Bukidnon OT

¹ Dutun he menge andew he si Samuel ebpenilbi en te Nengazen, dizalem sikandin te kedumala ni Eli, ne mezelag dà ebpekidlalag is Nengazen, wey deisey zà is egkengelewasan.

1 Samuel 3:1 ပူးပေါင်းရင်းမြစ်များ

Salmo 74:9

Wazè en tuus te kebpekiduma nu kenami; wazè en nesamà duen te ebpemeneuven nu, ne wazè en netau kenami ke keenu egkeengked heini is pesipala kenami.

Erubasa 29:18

Emun wazà lalag te Megbevayà he ebpenurù te sevaha he inged, wazà kayi kegkelinew. Utew zeyzey is menge etew he edtuman te menge ibpenurù te Megbevayà.

Isaias 13:12

Deisey zà is egkesamà he menge etew. Edhuna pa he mereǥen is kebpen-ahà kandan kenà te lunsey he vulawan he ebpuun diyà te Ofir.

Ezekiel 7:26

Egkeumahan sikandan te ebpekedtutundug he kezeetan wey mezaat he menge tudtul. Ebpepenudtul zan pezem te menge ebpeneuven piru kenà sikandan egketudtulan. Kenè en ibpenurù te menge memumuhat is mehitenged te kesuǥuan, ne wazè en daan penurù he ebpuun diyà te menge pengulu.

1 Samuel 2:11

Ne mid-ulì si Elkana wey si Hana ziyà te Rama. Piru intaǥak dan dà si Samuel wey mekepenilbi en te Nengazen he iyan egalen din wey ed-elima kandin si Eli he memumuhat.

1 Samuel 2:18

Dutun he timpu, is batà he si Samuel pedayun he mibpenilbi te Nengazen. Midsul-ub sikandin te ipud he linu.

1 Samuel 2:35

Ne ebpilì a te metazeng wey metinumanen he memumuhat he edsunud te egkesuatan ku. Ne ebeǥayan ku sikandin te menge kevuwazan he ebpenilbi te mibpilì ku he hadì taman te taman.

1 Samuel 2:36

Ne is egkesamà te kevuwazan nu, ne ebpehizuhizu sikandan te menge kevuwazan te heini he memumuhat he veǥayi zin sikandan te selapì wey egkekaan. Edhangyù sikandan he himuwa sikandan he timbang he menge memumuhat su wey zan duen egkekaan.”

1 Samuel 3:15

Nekelipezeng si Samuel taman te egkepawà, ne mibpuwasan din is gemawan te valey te Nengazen. Egkahandek si Samuel he ebpenudtul ziyà te ki Eli mehitenged te impahayag te Nengazen diyà te kandin.

1 Samuel 3:21

Ne pedayun is kebpezeyag te Nengazen ki Samuel ziyà te Shilo pinaaǥi te kebpekidlalag kandin.