1 Samuel 29:6 - Manobo Western Bukidnon OT

⁶ Umbe, impehendiyà ni Akish si David te kandin ne migkeǥiyan din te, “Tutuu is egkeǥiyen ku kenikew ǥuntaan kayi te etuvangan te uuyag he Nengazen he egkeseriǥan ka iyan, ne egkesuatan ku pezem he meduma ka kedì te ebpekidtebek, su puun te keduzuma nu kedì taman guntaan wazè ku naahà he mezaat he vaal nu. Piru is duma he menge egalen ne kenè dan ebpekesarig kenikew.

1 Samuel 29:6 ပူးပေါင်းရင်းမြစ်များ

Genesis 16:6

Ne midtavak dutun si Abram diyà te ki Sarai te, “Emun iyan heeyan, idlikù ku sikandin diyan te kenikew ne bayèbayè ka ke hengkey is ed-ul-ulahan nu kandin.” Ne puun dutun, kenà meupiya is ebelan ni Sarai ki Hagar, umbe hein neuǥet ne mibpelaǥuy sikandin.

2 Samuel 3:25

Nekilala nu en si Abner. Midhendini sikandin su edlimbungan ke zin, wey ebpeniizan din is langun he ebeelan nu.”

2 Hadì 19:27

Piru netuenan ku is langun mehitenged kenikew, ke hendei ka ed-ubpàubpà, etawa hendei ka ebpuun wey ebpevayà, wey ke hengkey is igkepeuki nu kediey.

Salmo 121:8

Is Nengazen iyan ed-ipat kenikew ǥuntaan wey taman te taman, minsan hendei ka ebpevayà.

Isaias 37:28

“Piru netuenan ku is langun mehitenged kenikew, ke hendei ka ed-ubpàubpà, etawa hendei ka ebpuun wey ebpevayà, wey ke hengkey is igkepeuki nu kediey.

Isaias 65:16

Is minsan hentei ziyà te tanà te Israel he ebpenuvadtuvad etawa ebpenangdù, ebeelan din heini pinaaǥi te ngazan ku te Megbevayà he egkeseriǥan. Su edlipatan ku en is midlavey he menge kelised; id-awè ku en heini ziyà te ked-ehè ku.’

Jeremias 12:16

Emun ebpurungan dan ed-istudyuwi is menge paaǥi te kebpengungubpaan te menge etew ku ne edheǥeten dan is penangdù dan pinaaǥi te ngazan ku, iring te impenurù dan dengan te menge etew ku he kedheǥeta te penangdù pinaaǥi te ngazan ni Baal, egkehimu zan he kevahin te menge etew ku.

Numero 27:17

he ebpengulu kandan duen te tebek, su para kenà meiring is menge etew nu te menge kerehidu he wazà duen ebantey.”

Deuteronomio 10:20

Tehuza niw is Nengazen he Megbevayè niw wey silbiyi niw sikandin. Kenè kew awà diyà te kandin ne ngazan din dà is gemita niw emun ebpenangdù kew.

Josue 22:30

Nelipey si Finehas he memumuhat, wey sikan is menge pengulu te menge pemilya te keet-etawan te Israel hein nezineg dan haazà is migkaǥi te menge tribu ni Reuben, ni Gad, wey te ketengà he tribu ni Manase.

1 Samuel 20:3

Midtavak si David te, “Netuenan te amey nu he utew ki teleelukuy, umbe ed-elesan ke zin te planu zin he edhimetayan e zin su kela ke mebmesakit is gehinawa nu. Piru egkeǥiyen ku kenikew ziyà te etuvangan te uuyag he Nengazen, he ǥuntaan ebpemiligru-a te kemetayen.”

1 Samuel 28:10

Nenaad si Saul kandin te, “Pinaaǥi te ngazan te uuyag he Nengazen, ne wazà mezaat he egkehitavù kenikew pinaaǥi kayi.”

1 Samuel 29:3

Ne zutun mid-insaan te menge peremandar te menge Filistihanen si Akish te, “Hengkey ves is ebeelan kayi te menge Hebriyuhanen?” Midtavak si Akish te, “Iyan heini si David he upisyal ni Hadì Saul he hadì te Israel. Subre en he senge-tuig is kebpekeduma zey wey puun dà te ked-awè din diyà te ki Saul taman guntaan ne wazà neehè ku he mezaat he mibeelan din.”

1 Samuel 29:7

Umbe ulì ke en, wey kenè ka mebaal te kenè dan egkesuatan. Sigi, meupiya is kedhipanew nu.”

1 Samuel 5:8

Umbe, impetawag dan is langun he menge pengulu te Filistihanen. Ne mid-insaan sikandan te, “Ebmenmenuwen tew heini is Kavan te Kebpekid-uyun te Megbevayà te Israel?” Midtavak sikandan te, “Ed-uwiten heini ziyà te Gat.” Ne zutun mid-uwit dan pehendiyà te Gat kes Kavan te Kebpekid-uyun te Megbevayà te Israel.