1 Samuel 29:4 - Manobo Western Bukidnon OT

⁴ Piru nengepauk is menge peremandar te menge Filistihanen. Ke sikandan te, “Ipelikù heeyan he etew ziyà te lugar he imbeǥey nu kandin. Su kenà ereg he eduma sikandin kenitew te ebpekidtebek, su kela ke unaya kiw zin te edhimatey para maawà is kegkepeuki kandin te egalen din.

1 Samuel 29:4 ပူးပေါင်းရင်းမြစ်များ

1 Cronica 12:19

Duen daan menge etew he ebpuun te tribu ni Manase he nekezuma ki David hein midhendiyà te menge Filistihanen su ebpekidtebek ki Saul. Piru wazà mebpemineg is menge Filistihanen he eduma si David wey is menge sakup din, su neisip dan he kela ke ziyè ded si David medlavan med-uman te egalen din he si Saul. Umbe hein nepasad is kebpelelelaǥè dan ne impelikù dan ensi David diyà te Ziklag.

1 Cronica 12:20

Iyan heini menge etew he ebpuun te tribu ni Manase he miduma ki David diyà te Ziklag: si Adnah, Jozabad, Jediel, Micael, Jozabad, Elihu, wey si Ziletai. Kada sevaha kandan ne pengulu te tignengkelibu he menge sundaru te tribu ni Manase.

Exodus 1:10

Kinahanglan he zuen tew paaǥi he para kenà sikandan medsigudu mebmahabet, su wey zan kenà mekesukul kenitew pinaaǥi te kedtampu te menge etew he ebpekigira kenitew, su wey zan kenà mekaawà kayì te kenitew.”

1 Samuel 14:21

Is menge Hebriyuhanen he midtampu ziyà te menge Filistihanen he miduma kandan ne ziyè en maan medtampu te ki Saul wey ki Jonatan wey te zuma pa he menge Israilihanen.

1 Samuel 27:6

Ne te haazè dà he andew imbeǥey ni Akish kandin is Ziklag. Ne puun dutun taman guntaan, is Ziklag ne ǥaked te menge hadì te Juda.

1 Samuel 29:9

Midtavak si Akish te, “Netuenan ku he meupiya ka iring te menge belinsuǥuen te Megbevayà. Piru is menge peremandar te menge sundaru ku ne kenà egkesuat he mekezumaa te kebpekidtebek.

1 Samuel 30:1

Hein iketelu en he andew, nekeuma si David wey is menge sakup din diyà te Ziklag. Netuenan dan he midsurung te menge Amalikanhen is Negev, apil en is Ziklag. Mibinsulan dan is Ziklag