1 Samuel 28:8 - Manobo Western Bukidnon OT

⁸ Umbe, mibpeuvag-uvag si Saul pinaaǥi te kebivisti te kenà bisti te hadì, ne hein mezukilem en midhendutun sikandin te vahi, iyan duma zin is dezuwa he sakup din. Hein nekeuma zan, migkeǥiyan ni Saul haazà is bahi te, “Egkesuat a he ebpekidlalag ka te gimukud te sevaha he etew. Egkehimu vuwa he ed-umawen nu is gimukud din?”

1 Samuel 28:8 ပူးပေါင်းရင်းမြစ်များ

1 Hadì 22:30

Migkaǥi si Ahab diyà te ki Jehoshafat te, “Emun timpu en te tebek kenà a ebpekilala he iyan a hadì, piru sikew mulà bivisti ka te visti te hadì!” Umbe mibpeuvag-uvag si Ahab, ne mibpekidtebek sikandan.

1 Hadì 22:34

Piru hein edtulung en ebpemanà is sevaha he sundaru te Aramihanen dutun te menge sundaru te Israel, ne neserab mesuǥat si Hadì Ahab he hadì te Israel ziyà te midtemuwaayan te pengalang din diyà te kumeng. Migkeǥiyan ni Hadì Ahab haazà is ed-uwit te kerwahi zin te, “Ipekeziyù a kayi te tebek! Su nepelian a.”

1 Cronica 10:13

Minatey si Saul tenged te kenè din kebpezumazuma te Nengazen. Wazè din tumana is suǥù kandin te Nengazen, wey midangep sikandin te menge etew he edsarig te menge mulin-ulin.

2 Cronica 18:29

Migkaǥi si Ahab diyà te ki Jehoshafat te, “Emun timpu en te tebek kenà a ebpekilala he iyan a hadì, piru sikew mulà bivisti ka te visti te hadì!” Umbe mibpeuvag-uvag si Ahab, ne mibpekidtebek sikandan.

2 Cronica 35:22

Piru meheǥet diyà te gehinawa ni Josia is kebpekidtebek. Wazà sikandin mebpemineg ki Neco te migkeǥiyan te Megbevayà, kekenà, midsurung din si Neco ziyà te suǥud te Megido.

Isaias 8:19

Emun duen egkaǥi keniyu he penginginsè kew te menge minatey pinaaǥi te menge veyilan wey menge etew he edsarig te menge mulin-ulin, ne kenè niw haazà beeli. Insè kew ziyà te Megbevayè niw. Heeyan sikandan ebekèbekè dà is bèbè dan. Ne maan is ed-insè kew ziyà te menge minatey te para te menge uuyag?

Jeremias 23:24

Wazà etew he ebpekeeles diyà te meeles he lugar he kenè ku egkaahà. Wazè niw ve metueni he ziyà a te minsan hendei ziyà te langit wey ziyà te tanà? Iyan a, is Nengazen, is migkaǥi kayi.

Ezekiel 12:6

Ne zutun te edtengteng sikandan, bevaa nu is uwiten nu ne ǥenat ka zutun te egkesakep en. Tembuni nu is buked nu su wey nu kenà maahà is tanà. Heini is ebeelan nu ebpezayag te sevaha he petizaan diyà te menge etew te Israel.”