1 Samuel 28:3 - Manobo Western Bukidnon OT

³ Dutun he penahun daan en he minatey si Samuel. Hein kebpatey zin ne utew nenlalew is menge Israilihanen kandin, ne ziyè dan ileveng sikandin te inged din he Rama. Ne midsegseg ni Saul puun te Israel is menge veyilan he ebpekidlalag te gimukud te nemematey en.

1 Samuel 28:3 ပူးပေါင်းရင်းမြစ်များ

Exodus 22:17

Ne emun kenà ibpeesawa te amey zutun te vahi haazà is anak din kinahanglan gihapun he ibpevayad haazà is maama te sungguzanan he para te raǥa.

Exodus 22:18

“Himetayi niw is minsan hentei he veyilan.

Leviticus 19:31

Kenè kew zangep diyà te menge veyilan he ebpekidlalag te gimukud te nemematey en, su emun ebeelan niw heini ed-isipen kew he meremerik. Iyan a kes Nengazen he Megbevayè niw.

Leviticus 20:27

Emun duen keniyu veyilan he ebpekidlalag te ǥimukud te nemematey en, kinahanglan he ebpenulengen sikandin te vatu taman te ebpatey. Ne iyan dà sikandin egkevasul zutun te kemetayen din.

Leviticus 20:6

Egkeepesan ku zaan is etew he edangep wey edsunud te menge veyilan he ebpekidlalag te ǥimukud te nemematey en. Kenè ku sikandan ed-isipen he zuma niw.

1 Samuel 15:23

Is kebpekidsukulà te Nengazen iring ded kezaat te kebpeveveyilan, ne is kegkemesinupaken iring ded kezaat te ked-azap te zuma he menge ed-ezapen. Geina te inselikwey nu is suǥù te Nengazen, idselikwey ke zin daan pinaaǥi te kegkeewaa kenikew he hadì.”

1 Samuel 25:1

Ne mibpatey si Samuel, ne netiǥum dutun is langun he menge Israilihanen ne inlalew zan sikandin. Inleveng dan sikandin diyà te inged din he Rama. Hein nepasad, ne midhendiyà si David te sibsivayan te Maon.

1 Samuel 28:9

Midtavak haazà is bahi kandin te, “Hengkey, egkesuatan nu ve he mepatey a? Netuenan nu man buwa is mibeelan ni Saul. Midsegseg din is langun he menge veyilan he ebpekidlalag te gimukud te nemematey en. Umbe kenè nu isavuk te piligru is untung ku.”

1 Samuel 7:17

Ne ebpekepasad ne ed-ulì maan sikandin diyà te Rama, su pengulu zaan sikandin te menge etew zutun. Ne mibaal sikandin dutun te pemuhatà para te Nengazen.