1 Samuel 28:19 - Manobo Western Bukidnon OT

¹⁹ Umbe, keeselem ibpalad ke zin en wey is menge Israilihanen diyà te menge Filistihanen, ne egkehimu he ebpekeduma ki wey te menge anak nu he maama ziyà te lugar te menge minatey.”

1 Samuel 28:19 ပူးပေါင်းရင်းမြစ်များ

1 Hadì 22:20

Ne migkaǥi is Nengazen te, ‘Hentei is ed-akal ki Ahab su para medsurung sikandin diyà te Ramot Gilead su para mepatey sikandin?’ Ne nekedseselekawà is tavak dutun te ilengiten he menge linimbag.

1 Hadì 22:28

Migkaǥi si Micaya te, “Emun ebpekelikù ka he kenà egkekeizan, ne wazà heeyan keǥiya te Nengazen pinaaǥi kedì.” Ne zutun migkeǥiyan ni Micaya is langun he menge etew zutun te, “Tentenuzi niw heini is migkaǥi ku!”

Job 3:17

Diyà te lugar te menge minatey, is menge lalung kenè en ebaal te kelelalung, ne is nengeveley nemekehimeley en.

Exodus 9:18

Umbe keeselem, te iyan ded heini he uras, ibpeuzan ku te ǥiyew he utew gerabi, he wazè pa keenu meseǥazi puun te kegketukud te Ehipto.

1 Samuel 12:25

Emun ebpedayun kew he ebaal te salà, sikiyu wey is hadì niw ne egkezeetan.”

1 Samuel 28:20

Ne zutun nepiley si Saul ne nekelangkeb diyà te tanà. Utew sikandin nahandek te migkaǥi ni Samuel. Ne mibmeǥuyà sikandin su wazà sikandin mekekaan te tivuuk andew wey mezukilem.