1 Samuel 28:14 - Manobo Western Bukidnon OT

¹⁴ Mid-insà si Saul te, “Memenumenu is paras din?” Midtavak sikandin te, “Sevaha he meǥurang he maama he midlelembung.” Ne zutun netuenan ni Saul he iyan haazà si Samuel, ne midluhud sikandin su midtahud kandin.

1 Samuel 28:14 ပူးပေါင်းရင်းမြစ်များ

1 Hadì 19:19

Ne migenat si Elias ne neehè din si Elisha he anak ni Shafat is ed-eradu. Duen 11 he paris te menge vaka ziyà te egkehunaan ni Elisha he id-eradu te menge zuma zin, ne iyan sikandin ed-eradu te ike-12 he paris. Mid-uvayan sikandin ni Elias, ne impesinabley ni Elias ki Elisha is samput ni Elias.

2 Hadì 1:7

Mid-insà haazà is hadì te, “Hentei heini etawa? Memenumenu sikandin?”

2 Hadì 2:8

In-awà ni Elias is samput din ne midlumpì din, ne inlagkut din diyà te wahig. Ne neluwisan is nezalandalan he tanà ne zutun dan mebayà is edlayun.

1 Samuel 15:27

Hein mid-iniyug en si Samuel su egenat en, migewezan ni Saul is kilid te kumbalè din, ne nevindas heini.

1 Samuel 24:8

Ne migawas si David dutun te surung ne mid-umew zin si Saul, “Mahal he Hadì!” Midlilingey si Saul, ne midluhud si David su edtahud kandin.

1 Samuel 28:13

Migkeǥiyan ni Saul sikandin te, “Kenè ka mahandek. Hengkey ves is neehè nu?” Midtavak kes bahi te, “Neehè ku is sevaha he gimukud he migawas puun te tanà.”