1 Samuel 28:12 - Manobo Western Bukidnon OT

¹² Ne mid-umew zutun te vahi si Samuel, ne hein naahà dutun te vahi si Samuel ne nekekulahì sikandin te mezaǥing is egkaǥi ki Saul te, “Maan is midlimbungan a kenikew? Iyan ke ves si Saul!”

1 Samuel 28:12 ပူးပေါင်းရင်းမြစ်များ

Genesis 29:25

Hein nepawà, netuenan ni Jacob he si Lea ves is hulid din. Ne zutun mibeyaan din si Laban he egkaǥi te, “Maan is mid-ulaula nu heini kediey? Mibpeniwakà a kenikew para meesawa ku si Raquel. Maan is mid-ekalan a kenikew?”

1 Hadì 14:5

Piru migkeǥiyan te Nengazen si Ahia te, “Edhendini is esawa ni Jeroboam he ebpeuvag-uvag su para kenà sikandin mekilala. Ed-insà sikandin kenikew mehitenged te anak din he egkezeruwan, tevaka nu sikandin te egkeǥiyen ku ziyà te kenikew.”

1 Samuel 28:11

Netegteǥaad migkaǥi haazà is bahi te, “Hentei ki gimukud is egkesuatan nu he ed-umawen ku?” Migkaǥi si Saul te, “Umawa nu si Samuel.”

1 Samuel 28:13

Migkeǥiyan ni Saul sikandin te, “Kenè ka mahandek. Hengkey ves is neehè nu?” Midtavak kes bahi te, “Neehè ku is sevaha he gimukud he migawas puun te tanà.”

1 Samuel 28:3

Dutun he penahun daan en he minatey si Samuel. Hein kebpatey zin ne utew nenlalew is menge Israilihanen kandin, ne ziyè dan ileveng sikandin te inged din he Rama. Ne midsegseg ni Saul puun te Israel is menge veyilan he ebpekidlalag te gimukud te nemematey en.