1 Samuel 27:9 - Manobo Western Bukidnon OT

⁹ Dutun te kedsurung eni David, ed-eminen dan edhimetayi is menge maama wey menge vahi, ne ebpenguwaan dan is menge kerehidu, menge vaka, menge asnu, menge kemilyu, wey apil en is menge visti. Ne edlikù dan diyà te ki Akish.

1 Samuel 27:9 ပူးပေါင်းရင်းမြစ်များ

Genesis 16:7

Ne zutun naahà si Hagar te velinsuǥuen te Nengazen diyà te uvey te serebseb he ziyà te sibsivayan. Iyan haazà sikan is serebseb he ziyà te zalan pehendiyà te inged he Shur.

Genesis 25:18

Diyà med-ubpà is menge kevuwazan din te menge inged he ebpuun te Havila pehendiyà te Shur, he zapit te edsilaan te Ehipto pehendiyà te Asiria. Ne migkuntada zan is langun he menge kezuzumahi zan he kevuwazan ni Ishmael.

Job 1:3

Duen din 7,000 he menge kerehidu, 3,000 he menge kemilyu, 500 he paris he vaka, wey 500 he menge vehiyan he menge asnu. Ne zuen din daan mahabet he menge suluǥuen. Iyan sikandin pinekesepian te langun he menge etew ziyà te zapit te edsilaan te Israel.

Exodus 15:22

Ne puun dutun te Zaǥat he Meriǥà, miduma ni Moises is menge Israilihanen pehendiyà te sibsivayan he Shur. Ne seled te tetelu he andew is kedhipanew zan dutun te sibsivayan ne wazà wahig he neturedu zan.

Josue 6:21

Impurung dan ipemuhat diyà te Nengazen haazà is inged pinaaǥi te kegeraa zan te menge maama wey menge vahi, meǥurang wey vatà, ragkes en is menge vaka, menge kerehidu, wey menge asnu.

1 Samuel 15:3

Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”

1 Samuel 15:7

Ne midsurung eni Saul is menge Amalikanhen puun te Havila taman te Shur, he zapit te edsilaan te Ehipto.

1 Samuel 15:8

Nengepatey zan is langun he menge Amalikanhen, gawas ki Agag he hadì. Wazè dan mulà himetayi piru mibihag dan dà. Wazè dan daan penhimetayi is kerehidu he meupiya is lawa zin wey is menge vaka, minsan is menge nati. Is langun he meupiya ne wazè dan himetayi, iyan dan dà midhimetayan kes kanà memeupiya wey kenè en egkepulusan.