1 Samuel 27:8 - Manobo Western Bukidnon OT

⁸ Dutun he timpu edsurungen ni David wey te menge sakup din is menge Gisurhanen, Girzanen, wey menge Amalikanhen. Puun pa zengan heini he menge etew ne ziyà med-ubpà te lugar he ebpehendiyà te Shur wey Ehipto.

1 Samuel 27:8 ပူးပေါင်းရင်းမြစ်များ

2 Samuel 14:23

Ne migenat si Joab pehendiyà te Geshur, ne miduma zin si Absalom te edlikù diyà te Jerusalem.

2 Samuel 14:32

Midtavak si Absalom te, “Tenged te wazè ka medhendini te kebpetawaǥa ku kenikew. Egkesuatan ku pezem he medhendiyè ka te hadì wey nu meinsai sikandin ke maan is impaangey e zin pa ziyà te Geshur. Meupiya pa pezem ke diyè e zà. Guntaan, egkesuatan ku he meehè ku is hadì; emun nekesalà a, ne pehimetayi e zin.”

2 Samuel 15:8

Hein diyè e pa med-ubpà te Geshur he sakup te Aram, nenangdù a he emun ibpelikù e pa te Nengazen diyà te Jerusalem, ne ed-ezapen ku sikandin diyà te Hebron.”

2 Samuel 3:22

Nekeuma si Joab wey is duma he menge sakup ni David diyà te Hebron he ebpuun te kebpengayew, ne utew zekelà is neuwit dan he naaǥew zan. Piru wazè en diyà si Abner su impeǥenat en ni David he wazè din menuwa.

2 Samuel 3:3

Is ikezuwa iyan si Kileab he anak din diyà te ki Abigail te esawa zengan ni Nabal he tig-Carmel. Is iketelu iyan si Absalom he anak din diyà te ki Maaca he anak ni Hadì Talmai ziyè te Geshur.

2 Samuel 8:12

Edom, Moab, Ammon, Filistia, wey Amalek. Inhalad din daan is nengaaǥew zan diyà te ki Hadì Hadadezer he hadì te Zoba, he anak ni Rehob.

1 Cronica 2:23

(Piru mid-aǥew ni Geshur wey ni Aram haazà is menge inged ni Jair apil is Kenat, wey menge inged he nekelingut kayi. 60 langun he lugar.) Pudu heini menge kevuwazan ni Makir he amey ni Gilead.

Exodus 15:22

Ne puun dutun te Zaǥat he Meriǥà, miduma ni Moises is menge Israilihanen pehendiyà te sibsivayan he Shur. Ne seled te tetelu he andew is kedhipanew zan dutun te sibsivayan ne wazà wahig he neturedu zan.

Exodus 17:8

Midsurung te menge Amalikanhen is menge Israilihanen hein diyè dan pa te Refidim.

Numero 13:29

Is menge Amalikanhen diyà ed-ubpà te Negev; is menge Hitihanen, menge Jebusihanen, wey is menge Amorihanen diyà ed-ubpà te menge vuvungan; ne is menge Canaanhen diyà ed-ubpà te veyvey te zaǥat wey veyvey te Wahig he Jordan.”

Numero 14:45

Ne midsurung kandan is menge Amalikanhen wey menge Canaanhen he meǥinged dutun te menge vuvungan, ne nezaag sikandan, ne midal-as sikandan taman te Horma.

Josue 12:5

Is nesakup te ginhedian din iyan is Buntud te Hermon, Saleca, is tivuuk he Bashan taman te zulunà te Geshur wey Maaca, wey is ketengà te Gilead taman te zulunà te Heshbon he nesakup te lugar ni hadì Sihon.

Josue 13:13

Piru wazà mesegseg te menge Israilihanen is menge Gisurhanen wey is menge Maakatnen. Heini he menge etew nengungubpaan gihapun duma te menge Israilihanen taman en guntaan.

Josue 13:2

Iyan heini menge tanà he wazè pa maaǥew: Is langun he menge tanà te menge Filistihanen wey menge Gisurhanen

Josue 16:10

Wazè dan segseǥa is menge Canaanhen he ebpemen-ubpà diyà te Gezer; umbe zuen menge Canaanhen he nengungubpaan duma te menge Efraimnen taman en guntaan, piru mid-uripen dan sikandan.

Zatù 1:29

Is tribu ni Efraim, wazè dan daan mesegseg is menge meǥinged diyà te Gezer. Umbe mibpedayun heini he menge Canaanhen he ed-ubpà duma kandan.

1 Samuel 29:6

Umbe, impehendiyà ni Akish si David te kandin ne migkeǥiyan din te, “Tutuu is egkeǥiyen ku kenikew ǥuntaan kayi te etuvangan te uuyag he Nengazen he egkeseriǥan ka iyan, ne egkesuatan ku pezem he meduma ka kedì te ebpekidtebek, su puun te keduzuma nu kedì taman guntaan wazè ku naahà he mezaat he vaal nu. Piru is duma he menge egalen ne kenè dan ebpekesarig kenikew.

1 Samuel 30:1

Hein iketelu en he andew, nekeuma si David wey is menge sakup din diyà te Ziklag. Netuenan dan he midsurung te menge Amalikanhen is Negev, apil en is Ziklag. Mibinsulan dan is Ziklag