1 Samuel 27:12 - Manobo Western Bukidnon OT

¹² Dekelà is kedsarig ni Akish ki David, neisip din is, “Edumutan en guntaan si David te menge zuma zin he Israilihanen, umbe ǥuntaan, suluǥuen kud sikandin taman te taman.”

1 Samuel 27:12 ပူးပေါင်းရင်းမြစ်များ

Genesis 34:30

Ne migkeǥiyan ni Jacob si Simeon wey si Levi te, “Mibeǥayan a keniyu te utew zekelà he samuk. Edumutan kiw en te menge Canaanhen wey menge Pirisihanen he menge meǥinged kayi te tanà. Mezakel zan, kenè kiw, ne emun ebpetebtevangè dan ne edsurungen kiw zan, egkaamin kiw zan te edhimatey.”

2 Samuel 10:6

Neisip-isip dutun te menge Amunihanen he egkepeukan dan ni David. Umbe midsuhulan dan is 20,000 he Aramihanen he menge sundaru he tig-Bet Rehob wey tig-Zoba, 1,000 he sundaru he ebpuun te hadì te Maaca, wey 12,000 he sundaru he ebpuun te Tob.

Exodus 5:21

ne migkeǥiyan dan haazà is dezuwa te, “Berakat he siluti kew te Nengazen, su keniyu he vaal is utew ingkeepesi kenami te hadì wey te menge upisyal zin. Is mibeelan niw ne iyan egkehimu he hinungdan te kedhimetayi zan kenami.”

1 Samuel 13:4

Nezineg te menge Israilihanen he utew nengepauk is menge Filistihanen te kedsurunga ni Saul te kampu zan. Umbe midtiǥum ni Samuel is menge Israilihanen diyà te Gilgal duma ki Saul.

1 Samuel 27:11

Ed-eminen eni David te edhimatey is menge maama wey menge vahi para wazà minsan sevaha he ebpekehendiyà te Gat he ebpekepenudtul ke hengkey is mibeelan din. Iyan heini ebeelan layun ni David hein diyà meke-ubpà te sakup te Filistia.

1 Samuel 28:1

Dutun he timpu midtiǥum te menge Filistihanen is menge sundaru zan su ebpekidtebek dan te menge Israilihanen. Migkeǥiyan ni Akish si David te, “Sikew wey is menge sakup nu ne kinahanglan he meduma kenami te ebpekidtebek.”