1 Samuel 26:6 - Manobo Western Bukidnon OT

⁶ Migkeǥiyan ni David si Abimelec he Hitihanen wey si Abishai he anak ni Zeruya wey suled ni Joab te, “Hentei keniyu is eduma kedì te edhendutun te kampu ni Saul?” Midtavak si Abishai te, “Iyan a eduma.”

1 Samuel 26:6 ပူးပေါင်းရင်းမြစ်များ

Genesis 10:15

Si Canaan iyan amey ni Sidon wey ni Het. Ne iyan kakey si Sidon.

Genesis 15:20

menge Hitihanen, menge Pirisihanen, menge Ripanhen,

Genesis 23:3

Ne mid-ewaan din dèpa is esawa zin he minatey ne midhendiyà te menge Hitihanen ne migkeǥiyan din sikandan te,

Genesis 26:34

Ne hein 40 en is penuiǥen ni Esau, mid-esawa zin si Judith he anak ni Beeri he Hitihanen, wey si Besemat he anak ni Elon he Hitihanen daan.

2 Samuel 11:21

Kenè niw ves egketenuzan ke hengkey is ingkepetaya ki Abimelec he anak ni Jerubeshet diyà te Tebez? Kenè be iyan impatey zin is mid-uluǥan te vahi te ǥelingan he vatu puun diyà te zivavew te verengbeng, ne minatey sikandin? Maan is utew kew mid-uvey zutun te verengbeng?’ Ne emun iyan heini ibpenginginsè din, ne keǥiyi nu en sikandin te, ‘Nepatey kes suluǥuen nu he si Uria he Hitihanen.’ ”

2 Samuel 11:24

Ne mibpanè key te tigpanè dan he ziyà te verengbeng, ne zuen nengepatey he zuma he menge sundaru nu ne naapil is suluǥuen nu he si Uria he Hitihanen.”

2 Samuel 11:6

Umbe, mibpeuwit si David te lalag diyà te ki Joab he ibpehendiyà si Uria he Hitihanen te kandin. Umbe impehendiyà ni Joab si Uria te ki David.

2 Samuel 12:9

Ne maan is wazè nu tumana is menge lalag ku ne iyan nu maan heini mibeelan is kenè ku igkesuat? Mibpehimetayan nu si Uria he Hitihanen diyà te tebek; mibpehimetayan nu sikandin te menge Amunihanen, ne mid-aǥew nu pa is esawa zin.

2 Samuel 18:5

Midsuǥù ni Hadì David si Joab, si Abishai, wey si Itai te, “Tenged kedì ne kenè niw menuwa is betan-en he si Absalom.” Nezineg haazà te langun he grupu is migkaǥi ni David diyà te menge peremandar zin.

2 Samuel 2:13

Midsinuǥung sikandan ni Joab he anak ni Zeruya wey te menge sakup ni David diyà te peneng te Gibeon. Nememinuu is grupu ni Abner ziyà te zivaluy he vahin dutun te peneng ne nememinuu zaan diyà te zivaluy zaan he vahin is grupu ni Joab.

2 Samuel 2:18

Ne zutun, is tetelu he anak ni Zeruya he si Joab, Abishai, wey si Asahel nekezuma te tebek. Si Asahel utew meǥaan he ebpelelaǥuy he henduen te selazeng, ne midal-as din si Abner he wazà kedlilingey.

2 Samuel 23:18

Si Abishai he suled ni Joab, he anak ni Zeruya iyan pengulu zutun te 30 he mevurut he menge sakup ni David. Nekepatey sikandin te 300 he menge Filistihanen pinaaǥi te vangkew zin. Umbe, nehimu he nevantug sikandin he iring duen te tetelu he mevurut he menge etew.

2 Samuel 23:34

si Elifilet he anak ni Ahasbai he tig-Maaca; si Eliam he anak ni Ahitofel he tig-Gilo;

2 Samuel 23:39

wey si Uria he Hitihanen. 37 is langun.

1 Hadì 10:29

Dutun he timpu is bali te kerwahi he ebpuun diyà te Ehipto ne 600 he vuuk he pelata, ne is kudà 150 he vuuk he pelata. Ne imbelegyà heini te menge etew ni Solomon diyà te langun he menge hadì te menge Hitihanen wey te menge Aramihanen.

2 Hadì 7:6

Su impezineg te Nengazen is menge sundaru he menge Aramihanen te keǥurub te menge kerwahi, menge kudà, wey mahabet he menge sundaru, umbe kunaan duen te menge Aramihanen ke midsuhulan te hadì te Israel is hadì te menge Hitihanen wey is hadì te menge Ehiptohanen te kedsurung kandan.

Josue 3:10

Guntaan egketuenan niw he mibpekiduma keniyu is uuyag he Megbevayà, su emun edsurung kew en ne iyan sikandin edsegseg te menge Canaanhen, menge Hitihanen, menge Hivihanen, menge Pirisihanen, menge Girgasihanen, menge Amorihanen, wey menge Jebusihanen.

1 Samuel 26:7

Umbe, zutun he kezukileman, migenat si David wey si Abishai pehendiyà te kampu ni Saul ne neehè dan he nekelipezeng si Saul, ne is bangkew zin ne nekepepasek dutun te tanà he uvey te ulu zin. Si Abner wey zuma he menge sundaru ne nemekelipezeng diyà te nekelingut kandin.