1 Samuel 26:5 - Manobo Western Bukidnon OT

⁵ Ne midhendiyà si David te lugar he migkempuwan ni Saul. Neehè din dutun he nekelipezeng si Saul wey si Abner he anak ni Ner, he peremandar te menge sundaru. Egkepeliǥuyan si Saul te menge sundaru zin he nemekelipezeng daan.

1 Samuel 26:5 ပူးပေါင်းရင်းမြစ်များ

2 Samuel 3:27

Hein diyè en si Abner te Hebron, miduma sikandin ni Joab diyà te pultahan te inged he iyan dan dà is dezuwa. Mid-ekalan din te zuen dan kun edlelaǥen. Hein nekeuma zan dutun midunggab ni Joab si Abner ziyà te getek su impenimales din is kedhimetayi ni Abner ki Asahel te suled din. Ne minatey si Abner.

1 Cronica 9:39

Si Ner ne amey ni Kish, si Kish ne amey ni Saul, ne si Saul ne amey ni Jonatan, Malkishua, Abinadab, wey si Eshbaal.

1 Samuel 17:20

Umbe, zutun te sunud he andew midsayu med-enew si David, ne mid-andam te egkeenen he ed-uwiten din. Ne impeventayan din is menge kerehidu zin duen te sevaha he bekidu, ne migenat sikandin sumalà te migkaǥi kandin te amey zin. Ne hein nekeuma sikandin diyà te kampu te menge Israilihanen, nenggawas is menge sundaru he ebpemengulahì te kulehian te ebpekidtebek.

1 Samuel 17:55

Hein naahà ni Saul si David he ed-uvey ki Goliat he ebpekidtebek, mid-insaan din si Abner he peremandar te menge sundaru te, “Abner, hentei ves ki anak heeyan is betan-en?” Midtavak si Abner te, “Wazè ku metueni, Mahal he Hadì.”

1 Samuel 26:4

midsuǥù sikandin te menge tigpeniid, umbe netuenan din he nekeume en si Saul zutun.

1 Samuel 9:1

Duen etew he kepuun te tribu ni Benjamin. Nekilala sikandin tenged te zekelà is ketiǥeyunan din. Iyan ngazan din si Kish, anak sikandin ni Abiel. Si Abiel ne anak ni Zeror. Si Zeror ne anak ni Becorat. Ne si Becorat anak ni Afia he kevuwazan ni Benjamin.