1 Samuel 26:24 - Manobo Western Bukidnon OT

²⁴ Guntaan he andew, mibpekeveǥat ku is untung nu, deyzey zaan pezem ke ebpekeveǥaten din is untung ku ne edluwasen e zin te langun he kelised.”

1 Samuel 26:24 ပူးပေါင်းရင်းမြစ်များ

Genesis 48:16

Ne verakat he tuvazi zaan sikandan duen te velinsuǥuen he midlibri kedì te langun he menge kezeetan. Berakat he kenà a melipati wey is menge kepuun ku he si Abraham wey si Isaac. Berakat he mebmahabet utew is menge kevuwazan dan dini te kelibutan.”

2 Samuel 4:9

Midtavak ni David sikandan te, “Egkeǥiyen ku keniyu is tutuu kayi te etuvangan te uuyag he Nengazen he iyan midluwas kedì te langun he ebpekekaid.

Salmo 144:2

Iyan sikandin beliǥeǥawen he Megbevayè ku wey melig-en he elesà. Iyan sikandin eputè ku wey menluluwas ku. Iyan sikandin kelasag ku ne ziyà a te kandin ebuyù te pengalang.

Salmo 18:1

Nengazen, iyan ka mibeǥey kedì te zesen, ne mahal ku sikew.

Salmo 18:25

Metinumanen ka ziyà te menge etew he metinumanen daan. Meupiya ka ziyà te menge etew he meupiya zaan.

Salmo 18:48

Midluwas a kenikew zutun te utew menge mesipala he menge kuntada ku, ne ibpezaag nu kedì sikandan.

Salmo 34:20

Kenà duwazuwa is ked-ipata te Nengazen kandin, ne wazà minsan sevaha he tulan din he egkelepù.

Salmo 54:7

Su ibpelingkawas a kenikew te langun he kelised ku, ne egkeehè ku is kegkezeeǥa te menge kuntada ku.

1 Samuel 18:30

Pedayun is kebpekidtebek te menge Filistihanen te menge Israilihanen. Ne kada tebek dan, ne lelayun ebpekezaag si David lavew sikandin te zuma he menge sineriǥan ni Saul. Umbe nehimu he ventuǥan si David.

1 Samuel 24:16

Nepangkus is kegkaǥi ni David ne migkaǥi si Saul te, “Iyan ke ves heeyan David, anak ku?” Ne mibpurung medsineǥew.