1 Samuel 26:12 - Manobo Western Bukidnon OT

¹² Ne migkuwa ni David kes bangkew wey kes teleǥuey te wahig he zutun te ulunan ni Saul, ne migenat dan. Wazà nekaahà wey netau te neulaula; wazà nepukew kandan tenged te mibpengelinteuwan te Nengazen he utew zan mehurep.

1 Samuel 26:12 ပူးပေါင်းရင်းမြစ်များ

Genesis 15:12

Ne hein edsanlep en is andew, Nekelipezeng si Abram he utew nehurep. Ne neǥezam din dutun is utew subra he kegkahandek.

Genesis 2:21

Ne tenged dutun impelipezeng te Nengazen he Megbevayà haazà is etew ne hein utew en nehurep, migkuwa zin is sevaha zuen te menge ǥusuk kayi ne midlimeng din haazà is ebpuunan duen te ǥusuk.

Ester 6:1

Dutun he kezukileman, kenà ebpekelipezeng si Hadì Ahasuerus, umbe insuǥù din he uwita ziyà te kandin wey vesaha sikan is libru he midsuratan te kaaǥi te kedhadì din wey ginhedian din.

Isaias 29:10

Su impelipezeng kew te Nengazen. Midtembunan din is menge ulu niw wey menge mata niw he iyan is menge ebpeneuven diyà te keniyu.

1 Samuel 24:4

Migkeǥiyan te menge sakup din si David te, “Iyan en heini penahun he migkaǥi te Nengazen he ibpalad din kenikew is kuntra nu ne iyan ke en bayàbayà ke hengkey is ed-ul-ulahan nu kandin.” Ne zutun mibpenanap si David pehendiyà te ki Saul ne wazà metukawi ni Saul is kebpitasi ni David te kilid te kumbalè ni Saul.

1 Samuel 26:13

Ne midhendiyà ensi David te divaluy zutun te menge suǥud ne midhendiyà sikandin te buvungan he malù meziyù dutun te migkempuwan ni Saul.

1 Samuel 26:7

Umbe, zutun he kezukileman, migenat si David wey si Abishai pehendiyà te kampu ni Saul ne neehè dan he nekelipezeng si Saul, ne is bangkew zin ne nekepepasek dutun te tanà he uvey te ulu zin. Si Abner wey zuma he menge sundaru ne nemekelipezeng diyà te nekelingut kandin.