1 Samuel 25:9 - Manobo Western Bukidnon OT

⁹ Hein nekeuma is menge sakup ni David diyà te ki Nabal, midtudtul zan is telaan ni David. Ne midtaǥad dan.

1 Samuel 25:9 ပူးပေါင်းရင်းမြစ်များ

Genesis 8:4

Ne hein ike-17 he andew te ikepitu he vulan, diyà mekesavuk is arka te Buntud he Ararat.

2 Hadì 2:15

Ne hein naahà haazà te grupu te menge ebpeneuven he ebpuun diyà te Jerico is nehitavù, ke sikandan te, “Diyà en bes te kandin is gehem ni Elias!” Umbe midsinuǥung dan sikandin ne midluhud dan su ibpeehè dan is kedtahud dan kandin.

2 Cronica 14:7

Migkeǥiyan ni Asa is menge tig-Juda te, “Edlig-enan tew heini he menge inged pinaaǥi te kebeeli te menge verengbeng he ibpelingut kayi he zuen turi, menge pultahan, wey menge trangka. Iyan kiw zed nekaangken kayi he tanà, su midangep kiw te Nengazen he Megbevayè tew. Ne mibeǥayan kiw zin te kelinew su wazè kiw tebeka te menge kuntada tew kayi te nekelingut.” Umbe midlig-enan dan is menge inged dan ne mibmeuswaǥen dan.

1 Samuel 25:10

Wazà itetepian ni Nabal si David. Migkeǥiyan din dà is menge sakup ni David te, “Hentei heini si David he anak ni Jesse? Guntaan he menge andew mezakel is menge suluǥuen he ebpen-awà diyà te egalen dan.

1 Samuel 25:8

Insai nu sikandan ne edtudtulan ke zan. Guntaan, edhangyù a he purungi nu heeyan is menge sakup ku, pista man guntaan. Isipa a kenikew he anak wey menge suluǥuen ku he suluǥuen nu; beǥayi key te egkesuatan nu he ibeǥey nu kenami.”