1 Samuel 25:39 - Manobo Western Bukidnon OT

³⁹ Hein nezineg ni David he minatey en si Nabal, migkaǥi sikandin te, “Edeliǥen is Nengazen! Su iyan sikandin mibales ki Nabal te ked insultuwa zin kedì, wey inlikey e zin te kebales. Midsilutan din si Nabal te kenà meupiya he mibeelan din kedì.” Ne midsuǥù si David te menge etew he ibpelalag ki Abigail he ed-esewaan din.

1 Samuel 25:39 ပူးပေါင်းရင်းမြစ်များ

1 Hadì 2:44

Migkeǥiyan pa sikandin duen te hadì te, “Siguradu egketenuzan nu is langun he mezaat he mibeelan nu ziyà te amey ku he si David. Guntaan ebelesan ka te Nengazen tenged te mezaat he menge vaal nu.

Ester 7:10

Umbe imbitey zan si Haman diyà te vitayà he mibpeveelan din he para pezem ki Mordecai. Ne zutun naawà is pauk duen te hadì.

Ester 9:25

Piru hein netuenan duen te hadì haazà he pelanu pinaaǥi ki Rayna Ester, mibpesurat sikandin te belaud he is mezaat he pelanu ni Haman kuntra te menge Judio ne ziyà edhimuwa te kandin. Ne imbitey si Haman ragkes is menge anak din he menge maama.

Salmo 9:5

Midhukuman nu ne midèdeetan nu is menge mezaat he menge nasyun, umbe kenè en sikandan egketenuzan taman te taman.

Erubasa 18:22

Emun ebpekeesawa is etew ne meupiya heeyan, ne tuus heeyan he midtuvazan sikandin te Nengazen.

Erubasa 19:14

Is baley wey zuma pa he menge azen, egkepengevilin diyà te ginikanan, iyan, Nengazen mulà is ebpekeveǥey te uluwanen he esawa.

Erubasa 22:23

su is Nengazen iyan edlavan kandan. Emun hengkey is ebeelan niw ziyà te kandan he kenà meupiya ne iyan daan ebeelan te Nengazen diyà te keniyu.

Erubasa 31:10

Is buutan he esawa mahal pa kenà is menge rubi, iyan, utew mereǥen he ebpen-ahaan.

Erubasa 31:30

Is kekempet te vahi ebpekelimbung, ne edlavey zà. Is bahi he edtahud te Nengazen ne iyan dait he edeliǥen.

Solomon 8:8

Duen dey etevey he vetan-en pa su ebpemiyesungan pa. Emun duen ebpengulitawu kandin hengkey is ebeelan dey?

Micas 7:9

Geina te nekesalè kiw ziyà te Nengazen, dait he ed-entusen tew is silut din kenitew taman te edlevanan kiw zin wey ebeǥayan te hustu he kukuman. Egkeehè tew is kedlibriya zin kenitew pinaaǥi te ked-uwit din te kerayag kayi te kenitew.

Zatù 5:2

Mibpengulu te kebpekidtebek is menge pengulu te Israel ne mibpurung mebpezumazuma kandan is menge etew. Edeliǥen is Nengazen!

1 Samuel 24:15

Iyan is Nengazen edhukum kenita wey edtimbangtimbang ke hentei is selaan kenita te zezuwa. Deyzey ke seǥipaa e zin, ne levani e zin wey luwasa e zin diyà te kenikew.”

1 Samuel 25:26

“Umbe guntaan, kenà egkesuat is Nengazen he mekevales ka wey mekepatey ka. Ibpenangdù ku ziyà te uuyag he Nengazen wey ziyà te kenikew he is menge kuntada nu wey is langun he egkesuat he ebpesipala kenikew ne meiringi zan is egkeulaula ki Nabal.

1 Samuel 25:32

Ne migkeǥiyan ni David si Abigail te, “Edeliǥen is Nengazen he Megbevayà te Israel, he iyan miduma kenikew guntaan he andew te kebpekid-ahà kedì.

1 Samuel 25:34

Emun wazè ka megaanggaan mebpekid-ahà kedì, wazà pezem egkesamà he uuyag te menge sakup ni Nabal keeselem. Su iyan heeyan impenangdù ku te uuyag he Nengazen, he iyan Megbevayà te Israel, he iyan mibpugung kedì te kebaal te mezaat diyan te kenikew.”

1 Samuel 25:40

Hein nekeuma haazà is midsuǥù din diyà te Carmel, migkeǥiyan dan si Abigail te, “Impehendini key ni David te kenikew, su ibpaangey ke zin su ed-esewaan ke zin.”

1 Samuel 26:10

Ibpesarig ku he edsilutan sikandin te uuyag he Nengazen, ne iyan is Nengazen edhimatey kandin, etawa ebpatey sikandin te daru etawa tebek.