1 Samuel 25:32 - Manobo Western Bukidnon OT

³² Ne migkeǥiyan ni David si Abigail te, “Edeliǥen is Nengazen he Megbevayà te Israel, he iyan miduma kenikew guntaan he andew te kebpekid-ahà kedì.

1 Samuel 25:32 ပူးပေါင်းရင်းမြစ်များ

Genesis 24:27

Ke sikandin te, “Edeliǥen is Nengazen, he iyan Megbevayà te egalen ku he si Abraham. Impeehè din is kenà egkahanew he ǥaǥew zin te egalen ku. Iyan sikandin migiya kedì wey a mekehendiyà te kezuzumahi te egalen ku.”

1 Hadì 1:48

he ke sikandin te, ‘Edeliǥen is Nengazen he Megbevayà te Israel, su intuǥut din he meehè ku ǥuntaan he andew is kegkeilisi kedì te anak ku te kedhadì.’ ”

1 Hadì 8:15

Migkaǥi sikandin, “Edeliǥen is Nengazen he Megbevayà te Israel. Midtuman din is insaad din te amey ku he si David. Migkaǥi zin dengan te,

Ezra 7:27

Migkaǥi si Ezra te: Ereg he edeliǥen is Nengazen, he Megbevayà te menge kepuun tew, he midwaleng din is gehinawa te hadì su wey zin meveǥayi te zengeg is baley te Nengazen diyà te Jerusalem.

Salmo 106:48

Edeliǥen is Nengazen he Megbevayà te Israel te wazà pidtemanan. Is langun he menge etew edtavak te, “Amen!” Deliǥa is Nengazen!

Salmo 31:22

Tenged te utew ku kegkahandek, kunaan ku ke mibpekidsuwey ke en kedì. Iyan, dutun, midineg nu is kebpehizuhizu ku zutun te kebuyù ku te tavang diyà te kenikew.

Salmo 72:18

Mezait he edeliǥen is Nengazen he Megbevayà, kes Megbevayà te Israel, he iyan dà ebpekehimu keniyan he menge egkengein-inuwan.

Exodus 18:10

Ke sikandin te, “Idalig tew te Nengazen is kedlibriya zin keniyu ziyà te ǥehem te menge Ehiptohanen wey te hadì dan.

Josue 22:33

Ingkelipey te menge Israilihanen haazà is nezineg dan ne midalig dan is Megbevayà. Ne wazè dan en meventeeni is bahin te kedsurung dan diyà te tanà he ed-ubpaan te menge tribu ni Reuben wey ki Gad.